കോട്ടയം: വിദേശത്തു നിന്നെത്തി അതിരന്പുഴയിലെ ക്വാറന്റൈന് കേന്ദ്രത്തില് കഴിയുന്നതിനിടയില് പുറത്തു ചാടി മദ്യപിച്ചു കറങ്ങി നടന്ന യുവാവ് പിടിയില്. ക്വാറന്റൈന് കേന്ദ്രത്തില് നിന്നും ചാടിയ യുവാവ് മണര്കാട്ടെ ഷാപ്പിലെത്തി മദ്യപിക്കുകയും ഭക്ഷണം കഴിക്കുകയും ചെയ്തു. ഇയാളുടെ കൈയിലെ പണം തീര്ന്നതോടെയാണ് കുടുങ്ങിയത്.
ഇതോടെ ഷാപ്പില്നിന്ന് പുറത്തിറങ്ങിയ യുവാവ് ഒരു ഓട്ടോറിക്ഷ വിളിച്ചു വീട്ടിലേക്കു പോകണമെന്നു ഡ്രൈവറോട് ആവശ്യപ്പെട്ടു. വീട്ടിലെത്തിയ ശേഷം പണം നല്കാമെന്നാണ് പറഞ്ഞിരുന്നത്. മദ്യലഹരിയിലായിരുന്ന യുവാവ് താന് അതിരന്പുഴയിലെ ക്വാറന്റൈന് കേന്ദ്രത്തില്നിന്നു ചാടി വന്നതാണന്ന് അറിയാതെ ഡ്രൈവറോടു പറഞ്ഞു. തുടര്ന്ന് ഓട്ടോ ഡ്രൈവര് യുവാവിനെയുംകൊണ്ട് നേരെ മണര്കാട് പോലീസ് സ്റ്റേഷനിലേയ്ക്കു പോയി വിവരം പോലീസുകാരോടു പറഞ്ഞു. പിന്നീട് പത്തു മിനിറ്റോളം പോലീസ് സ്റ്റേഷനില് ഇരുത്തിയ ശേഷം അതിരന്പുഴയില് നിന്നും ആരോഗ്യ പ്രവര്ത്തകര് മണര്കാട് എത്തി ആംബുലന്സില് യുവാവിനെ ക്വാറന്റൈന് കേന്ദ്രത്തിലേയ്ക്കു തന്നെ മാറ്റി.