രാജ്യത്തെമ്പാടും കൊവിഡ് കണക്കുകളില് വലിയ വര്ധനവാണ് ഉണ്ടാകുന്നത്. മഹാരാഷ്ട്രയ്ക്ക് പുറമെ ദക്ഷിണേന്ത്യന് സംസ്ഥാനങ്ങളിലാകെ രോഗബാധിതരുടെ എണ്ണം വര്ധിക്കുകയാണ്. മഹാരാഷ്ട്രയിലും ആന്ധ്രപ്രദേശിലും തമിഴ്നാട്ടിലും കോവിഡ് വ്യാപനം അതിതീവ്രമായി. മഹാരാഷ്ട്രയില് ഒറ്റദിനം രോഗികളുടെ എണ്ണം ഒന്പതിനായിരവും ആന്ധ്രയില് അയ്യായിരവും കടന്നു. തമിഴ്നാട്ടില് അയ്യായിരത്തിനു തൊട്ടടുത്തെത്തി.
മഹാരാഷ്ട്രയില് ഇന്നലെ 9518 പേര്ക്കാണു രോഗം സ്ഥിരീകരിച്ചത്. ആദ്യമായാണ് ഒരു സംസ്ഥാനത്ത് ഒറ്റ ദിനം രോഗികള് 90,000 കടക്കുന്നത്. ഇന്നലെ 258 പേര് മരിച്ചു. ആകെ മരണം 11,854. ആകെ രോഗികള് 3,10,455. സംസ്ഥാനത്ത് 1,29,032 പേരാണു ചികിത്സയിലുള്ളത്.
തമിഴ്നാട്ടില് ഇന്നലെ 4979 പേര്ക്കു കോവിഡ് സ്ഥിരീകരിച്ചു. ഒറ്റ ദിനത്തിലെ ഉയര്ന്ന കണക്കാണിത്. ആകെ രോഗികള് 1,70,693. ഇന്നലെ 78 പേരാണു സംസ്ഥാനത്ത് മരിച്ചത്. ആകെ മരണം 2481. ഇന്നലെ തമിഴ്നാട്ടില് 52,993 പരിശോധനകള് നടത്തി. ഇത് ഒരു ദിവസത്തെ റിക്കാര്ഡാണ്. ആകെ പരിശോധനകള് 19,32,492 ആയി. ചെന്നൈയില് ഇന്നലെ 1254 കേസുകളും തിരുവള്ളൂരില് 405 കേസുകളും സ്ഥിരീകരിച്ചു. ചെന്നൈയില് ആകെ രോഗികള് 85,859.
ആന്ധ്ര പ്രദേശില് ഇന്നലെ 5041 പേര്ക്കാണ് വൈറസ് ബാധ കണ്ടെത്തിയത്. 56 പേര് ഇന്നലെ മരിച്ചു. ചികിത്സയില് ഉള്ളവരുടെ എണ്ണം 26,118 ആയി. ആകെ മരണം 642. ആകെ രോഗബാധിതര് 49650. കര്ണാടകയില് ഇന്നലെ 4120 പേര്ക്ക് രോഗം സ്ഥിരീകരിച്ചു. 91 മരണം റിപ്പോര്ട്ട് ചെയ്തു. ചികിത്സയിലുള്ളവരുടെ എണ്ണം 39370 ആയി. ബെംഗളുരുവില് മാത്രം 2156 പേര്ക്ക് രോഗം കണ്ടെത്തി. ഇവിടെ മാത്രം 36 മരണമാണ് ഇന്നലെയുണ്ടായത്. സംസ്ഥാനത്ത് ചികിത്സയിലുള്ള ആകെ രോഗികളുടെ എണ്ണം 63772. നിലവില് 36.1% ആണ് സംസ്ഥാനത്തെ രോഗമുക്തി നിരക്ക്.