ബ്രിട്ടനിലെ എലിസബത്ത് രാജ്ഞിയുടെ കൊച്ചുമകള് ബിയാട്രിസ് രാജകുമാരിയും റിയല്എസ്റ്റേറ്റ് വ്യവസായി എഡ്വേര്ഡോ മാപ്പെല്ലി മോസിയും തമ്മിലുള്ള വിവാഹം ഇന്നലെ നടന്നു.കോവിഡിന്റെ പശ്ചാത്തലത്തില് ചടങ്ങുകള് സ്വകാര്യമായിരുന്നു.
31 കാരിയായ ബിയാട്രിസും 37 കാരനായ മോസിയും വിന്ഡ്സറിലെ റോയല് ലോഡ്ജിലെ റോയല് ചാപ്പല് ഒഫ് ഓള് സെയ്ന്റ്സില് വച്ച് നടന്ന സ്വകാര്യ ചടങ്ങിലാണ് വിവാഹിതരായത്. സെന്ട്രല് ലണ്ടനിലെ സെന്റ് ജെയിംസ് പാലസില് മേയ് 29നായിരുന്നു ഇരുവരുടെയും വിവാഹം നിശ്ചയിച്ചിരുന്നത്. ബിയാട്രിസിന്റെ മുത്തശിയായ എലിസബത്ത് രാജ്ഞിയും മുത്തച്ഛന് ഫിലിപ്പ് രാജകുമാരനും ഉള്പ്പെടെ വളരെ കുറച്ച് പേര് മാത്രമാണ് ചടങ്ങില് പങ്കെടുത്തത്.