കോട്ടക്കല് (മലപ്പുറം): ജീവിത പ്രാരബ്ധങ്ങള്ക്കിടയിലും ഹയര് സെക്കന്ഡറി പരീക്ഷയില് സമ്ബൂര്ണ എ പ്ലസ് നേടി അതിജീവനത്തിന് പുത്തന് മാതൃക തീര്ത്ത കോട്ടക്കലിലെ ജയസൂര്യക്ക് വീടൊരുക്കാന് സുമനസ്സുകള് കൈകോര്ക്കുന്നു. ജീവകാരുണ്യ പ്രവര്ത്തകന് നാസര് മാനു ജയസൂര്യക്കും കുടുംബത്തിനും വീടൊരുക്കാന് ഭൂമി വാഗ്ദാനം ചെയ്തു. ‘മാധ്യമം’വാര്ത്ത നല്കിയതിന് പിന്നാലെ മിടുക്കന് അഭിനന്ദന പ്രവാഹമാണ്. വിവിധ കോണുകളില്നിന്ന് ഇതിനകം സഹായങ്ങള് എത്തി. ഇതിന് പിന്നാലെയാണ് ജീവകാരുണ്യ പ്രവര്ത്തകന് നാസര് മാനു കോട്ടക്കലിലെത്തിയത്.