മുംബൈ : മഹാരാഷ്ട്ര മുന്‍ മുഖ്യ തെരഞ്ഞെടുപ്പ് ഓഫീസറും പ്രമുഖ മറാത്തി എഴുത്തുകാരിയുമായ നിള സത്യനാരായണ്‍ (72) കോവിഡ് ബാധിച്ചു മരിച്ചു.
ഏതാനും ദിവസം മുമ്ബ് കോവിഡ് സ്ഥിരീകരിച്ച നീല സത്യനാരായണ അന്ധേരി മരോളിലുള്ള സെവന്‍ ഹില്‍സ് ആശുപത്രിയില്‍ ചികിത്സയിലായിരുന്നു. നിള സത്യനാരായണയുടെ രണ്ട് ബന്ധുക്കള്‍ക്കും കോവിഡ് ബാധിച്ചിരുന്നു. ഇവര്‍ ചികിത്സിലാണ്. മഹാരാഷ്ട്രയിലെ ആദ്യ വനിതാ തെരഞ്ഞെടുപ്പ് കമ്മീഷണറായിരുന്നു നിള സത്യനാരായണ.
1972 ലെ മഹാരാഷ്ട്രയില്‍ നിന്നുള്ള ഐ.എ.എസ് ബാച്ചുകാരിയാണ്. 2009 ലാണ് മഹാഷ്ട്ര തെരഞ്ഞെടുപ്പ് കമീഷനറായി നിയോഗിക്കപ്പെട്ടത്. 2014 ല്‍ ഔദ്യോഗിക ജീവിതത്തില്‍ നിന്നും വിരമിച്ചു. മഹാരാഷ്ട്ര റവന്യൂ അഡീഷണല്‍ ചീഫ് സെക്രട്ടറിയായാണ് ഔദ്യോഗിക ജീവിതത്തില്‍നിന്നും നിള വിരമിച്ചത്. മറാത്തി സിനിമകള്‍ക്കായി പാട്ടുകള്‍ എഴുതുകയും സംഗീതം നല്‍കുകയും ചെയ്തിട്ടുണ്ട്. നിളയുടേതായി 10 കവിതാ സമാഹാരങ്ങളും ഏഴ് നോവലുകളും പുറത്തുവന്നിട്ടുണ്ട്.
