കോട്ടയ്ക്കല്‍: ജീവിതത്തോട് പടപൊരുതി പ്ലസ്ടുവിന് മുഴുവന്‍ വിഷയങ്ങള്‍ക്കും എ പ്ലസ് നേടിയ കോട്ടയ്ക്കലിലെ ജയസൂര്യയുടെ നേട്ടത്തിന് സോഷ്യല്‍ മീഡിയയുടെ കൈയടി. 17 വര്‍ഷമായി രോഗശയ്യയിലായ അച്ഛെന്‍റ ചികിത്സക്കും വീട്ടുചെലവിനും പണം കണ്ടെത്താന്‍ കെട്ടിടം പണിക്കുപോകുന്ന ജയസൂര്യ പരീക്ഷഫലം വരുേമ്ബാള്‍ മാറാക്കരയിലെ പണിസ്ഥലത്തായിരുന്നു. ഫുള്‍ എ പ്ലസ് ഉണ്ടെന്ന് സുഹൃത്ത് ഫോണില്‍ വിളിച്ചുപറഞ്ഞപ്പോഴും കെട്ടിടം പണി തുടര്‍ന്ന ജയസൂര്യയുടെ കഥ ഫേസ്ബുക്കില്‍ പങ്കുവെക്കപ്പെട്ടതോടെ നിരവധി പേരാണ് അഭിനന്ദനങ്ങളുമായി രംഗത്തെത്തിയത്.
ഫലമറിഞ്ഞത് കൂലിപ്പണിക്കിടെ; ജയസൂര്യയുടെ ഫുള്‍ എപ്ലസിന് സോഷ്യല്‍ മീഡിയയുടെ കൈയടി
