ജയ്പൂര്: ബി.ജെ.പിയില് ചേരാന് ഉദ്ദേശമില്ലെന്ന് മുന് രാജസ്ഥാന് ഉപമുഖ്യമന്ത്രി സചിന് പൈലറ്റ് ആവര്ത്തിച്ച് വ്യക്തമാക്കിയെങ്കിലും സംസ്ഥാനത്തെ രാഷ്ട്രീയ അനിശ്ചിതാവസ്ഥ തുടരുകയാണ്. ഇൗ അവസരത്തില് സചിന് പൈലറ്റിനിട്ട് ഒരു ‘കൊട്ട്’ കൊട്ടിയിരിക്കുകയാണ് മുഖ്യമന്ത്രി അശോക് ഗെഹ്ലോട്ട്. സുമുഖനായിരിക്കുന്നത് കൊണ്ടാ നന്നായി ഇംഗ്ലീഷ് സംസാരിക്കാന് കഴിയുന്നതും കൊണ്ടും എല്ലാമായില്ലെന്നാണ് സചിെന്റ പേര് പരാമര്ശിക്കാതെ ഗെഹ്ലോട്ട് പരിഹസിച്ചത്. ‘നന്നായി ഇംഗ്ലീഷ് സംസാരിക്കുക, മികച്ച ഉദ്ധരണികള് നല്കുക, സുമുഖനായിരിക്കുക എന്നത് കൊണ്ടായില്ല. നിങ്ങളുടെ രാജ്യത്തോടും ചിന്താഗതിയോടും നയങ്ങളോടുമുള്ള പ്രതിബന്ധതയാണ് ഏറ്റവും മുഖ്യം’ 69കാരാനായ ഗെഹ്ലോട്ട് വ്യക്തമാക്കി. സചിെൻറ ന്യൂജനറേഷനെയും അദ്ദേഹം വിമർശിക്കുന്നു. ‘കഴിഞ്ഞ 40 വർഷമായി ഞാൻ രാഷ്ട്രീയത്തിലുണ്ട്. ഞങ്ങൾക്ക് പുതുതലമുറയെ ഇഷ്ടമാണ്. ഭാവി അവരുടേതാണ്. ഇൗ പുതുതലമുറ കേന്ദ്ര മന്ത്രിമാരാകുന്നു,സംസ്ഥാന അധ്യക്ഷൻമാരാകുന്നു. നമ്മുടെ കാലഘട്ടത്തിൽ ഞങ്ങൾ ചെയ്ത കാര്യങ്ങളിലൂടെ അവർ കടന്നുപോയിരുന്നുവെങ്കിൽ, അവർ മനസ്സിലാക്കുമായിരുന്നു’ ഗെഹ്ലോട്ട് പറഞ്ഞു. …