തിരുവനന്തപുരം: സ്വര്ണക്കടത്ത് കേസിലെ പ്രതിയായ സ്വപ്ന സുരേഷ് ജോലി ചെയ്തിരുന്ന കെഎസ്ഐടിഐഎല്(കേരള സ്റ്റേറ്റ് ഇന്ഫര്മേഷന് ടെക്നോളജി ഇന്ഫ്രാടെക്ചര് ലിമിറ്റഡ്)ന് കീഴിലുള്ള സ്പേസ് പാര്ക്കില് കസ്റ്റംസ് പരിശോധന നടത്തി. ഓപ്പറേഷന് മാനേജര് എന്ന തസ്തികയിലാണ് സ്വപ്ന ഇവിടെ ജോലി ചെയ്തിരുന്നത്. ഐടി വകുപ്പിന് കീഴിലുള്ള സ്ഥാപനമാണ് കെഎസ്ഐടിഐഎല്.
ഇവിടെ ജോലി ചെയ്ത സമയത്തും സ്വപ്ന ഗൂഡാലോചന നടത്തിയെന്നാണ് കസ്റ്റംസിന്റെ നിഗമനം. ഇതേ തുടര്ന്നാണ് ഇവിടെ പരിശോധന നടത്തിയത്. ഏഴ് അംഗ കസ്റ്റംസ് സംഘമാണ് പരിശോധന നടത്തിയത്. ഒരു മണിക്കൂറിലേറെ സമയം നടത്തിയ പരിശോധനയില് ഫയലുകള് കസ്റ്റഡിയിലെടുത്തു.