ചെന്നൈ: തമിഴ്നാട്ടില് 24 മണിക്കൂറിനിടെ 68 പേര് കൂടി കോവിഡ് ബാധിച്ച് മരിച്ചു. ഇതോടെ സംസ്ഥാനത്തെ ആകെ മരണസംഖ്യ 1,966 ആയി.
പുതുതായി 4,244 പേര്ക്കാണ് രോഗം സ്ഥിരീകരിച്ചത്. തമിഴ്നാട്ടില് ഇതുവരെ 1,38,470 പേര്ക്കാണ് കോവിഡ് സ്ഥിരീകരിച്ചത്. 3,617 പേര് ഞായറാഴ്ച രോഗമുക്തി നേടിയതായും തമിഴ്നാട് ആരോഗ്യവകുപ്പ് അറിയിച്ചു. 46,969 പേര് നിലവില് ചികിത്സയിലുണ്ട്.
കേരളത്തില് നിന്ന് റോഡ് മാര്ഗം തമിഴ്നാട്ടില് എത്തിയ ഏഴുപേര്ക്കാണ് ഇന്ന് രോഗം സ്ഥിരീകരിച്ചത്. രോഗബാധിതരുടെ എണ്ണം കൂടുന്ന സാഹചര്യത്തില് മധുരയില് ജൂലൈ 14 വരെ ലോക്ഡൗണ് നീട്ടി.