കുവൈറ്റ് സിറ്റി: കുവൈറ്റില് ഇന്ന് 836 പേര്ക്ക് കൂടി കോവിഡ് സ്ഥിരീകരിച്ചു. രാജ്യത്ത് ഇതുവരെ 54,894 പേര്ക്കാണ് വൈറസ് ബാധിച്ചത്. ഇന്ന് രോഗം സ്ഥിരീകരിച്ചവരില് 549 പേര് കുവൈത്തികളും 287 പേര് വിദേശികളുമാണെന്ന് അധികൃതര് അറിയിച്ചു.
കഴിഞ്ഞ ദിവസം 3,835 കോവിഡ് ടെസ്റ്റുകളാണ് രാജ്യത്ത് നടത്തിയത്. ഇതോടെ ആകെ നടത്തിയ ടെസ്റ്റുകളുടെ എണ്ണം 4,33,336 ആയി ഉയര്ന്നു. കോവിഡ് ചികിത്സയിലായിരുന്ന നാല് പേര് കൂടി മരിച്ചതോടെ രാജ്യത്തെ കോവിഡ് മരണം 390 ആയി.
ഇന്ന് 649 പേരാണു രോഗമുക്തി നേടിയത്. ഇതോടെ രാജ്യത്ത് രോഗ മുക്തി നേടിയവരുടെ എണ്ണം 44,610 ആയി. 9,894 പേരാണു ഇപ്പോള് ചികിത്സയില് കഴിയുന്നത്.