ദുബൈ: അവസാന കോവിഡ് രോഗിയും ഒഴിഞ്ഞ ദുബൈ വേള്ഡ് ട്രേഡ് സെന്ററിലെ ഫീല്ഡ് ആശുപത്രിയിലെ ആരോഗ്യ പ്രവര്ത്തകര്ക്ക് യു.എ.ഇയുടെ ആദരം. ദുരന്ത നിവാരണ സമിതി സുപ്രീം കമ്മിറ്റി ചെയര്മാന് ശൈഖ് മന്സൂര് ബിന് മുഹമ്മദ് ബിന് റാശിദ് ആല് മക്തൂം നേരിെട്ടത്തിയാണ് ആരോഗ്യപ്രവര്ത്തകരെ അഭിനന്ദനം അറിയിച്ചത്. രോഗികള് ഒഴിഞ്ഞതിെന്റ തൊട്ടടുത്ത ദിവസമായിരുന്നു ശൈഖ് മന്സൂറിെന്റ സന്ദര്ശനം. യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാശിദ് ആൽ മക്തൂമിെൻറയും ദുബൈ കിരീടാവകാശിയും എക്സിക്യുട്ടീവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് ആൽ മക്തൂമിെൻറയും ദീർഘവീക്ഷണത്തോടെയുള്ള പ്രവർത്തനങ്ങളും നിർദേശങ്ങളുമാണ് ഇൗ വിജയത്തിന് പിന്നിലെന്ന് അദ്ദേഹം പറഞ്ഞു. ദുബൈയിലെ അടിസ്ഥാന സൗകര്യങ്ങളാണ് ഇത്ര വേഗത്തിൽ കോവിഡ് വ്യാപനം നിയന്ത്രിക്കാൻ സഹായിച്ചതെന്നും അദ്ദേഹം കൂട്ടിചേർത്തു….