വാഷിംഗ്ടണ് ഡിസി: അമേരിക്കൻ പ്രസിഡന്റ് തെരഞ്ഞെടുപ്പിലെ ഡെമോക്രാറ്റിക് സ്ഥാനാർഥി ജോ ബൈഡനെതിരെ ആരോപണവുമായി പ്രസിഡന്റ് ഡോണൾഡ് ട്രംപ്. ബൈഡൻ തെരഞ്ഞെടുപ്പ് യോഗങ്ങളിലും റാലികളിലും പറയുന്ന സാമ്പത്തിക പദ്ധതി മോഷ്ടിച്ചതാണെന്നും താൻ വിഭാവനം ചെയ്തിട്ടുള്ള പദ്ധതി അതേപടി പറയുക മാത്രമാണ് അദ്ദേഹം ചെയ്യുന്നതെന്നും ട്രംപ് കുറ്റപ്പെടുത്തി.
എന്നാൽ, അത് ബൈഡന് നടപ്പാക്കാനാകുമെന്ന് തോന്നുന്നില്ലെന്നും താൻ തന്നെ പ്രസിഡന്റ് പദത്തിൽ തുടരുമെന്ന് ഉറപ്പാണെന്നും ട്രംപ് കൂട്ടിച്ചേർത്തു. തന്റെ ആശയങ്ങൾ പൂർണമായും ബൈഡന് മനസിലായിട്ടില്ലെന്നും അദ്ദേഹം പറഞ്ഞു.
നികുതി കുത്തനെ വർധിപ്പിക്കുക എന്നതും ശക്തമായ സാന്പത്തിക നിയന്ത്രണങ്ങൾ ഏർപ്പെടുത്തുക എന്നതുമാണ് ബൈഡന്റെ ലക്ഷ്യങ്ങളെന്നാണ് അറിയാൻ കഴിഞ്ഞതെന്നും ട്രംപ് കൂട്ടിച്ചേർത്തു.