വാഷിംഗ്ടണ് ഡിസി: അമേരിക്കയ്ക്കു മേൽ ഡിജിറ്റൽ ടാക്സ് വർധന നടപ്പാക്കിയ ഫ്രാൻസിന് കനത്ത തിരിച്ചടി നൽകി ട്രംപ് ഭരണകൂടം. ഫ്രാൻസിൽ നിന്നുള്ള ഇറക്കുമതിക്ക് 25 ശതമാനത്തിന്റെ അധിക നികുതി ചുമത്താൻ അമേരിക്ക തീരുമാനിച്ചു.
ആറു മാസത്തിനുള്ളിൽ പുതിയ നികുതി നിർദേശങ്ങൾ നടപ്പിൽ വരുത്തുമെന്നും അമേരിക്ക അറിയിച്ചു. ഫ്രാൻസിൽ നിന്നുള്ള സൗന്ദര്യ വർധക ഉത്പന്നങ്ങൾക്കും ഹാൻഡ് ബാഗുകൾക്കുമൊഴികെയുള്ള എല്ലാ ഇറക്കുമതി സാധനങ്ങൾക്കും അധിക നികുതി ബാധകമായിരിക്കും.
അമേരിക്കയ്ക്ക് മേൽ ഡിജിറ്റൽ സർവീസ് ടാക്സ് ഏർപ്പെടുത്തിയാൽ തിരിച്ചടി നേരിടേണ്ടി വരുമെന്ന് പ്രസിഡന്റ് ഡോണൾഡ് ട്രംപ് നേരത്തെ തന്നെ ഫ്രഞ്ച് ഭരണകൂടത്തിന് മുന്നറിയിപ്പ് നൽകിയിരുന്നു.