ന്യൂഡല്ഹി : കള്ളപ്പണം വെളുപ്പിക്കല് കേസില് എന്ഫോഴ്സ്മെന്റ് ഡയറക്ടറേറ്റ് യെസ് ബാങ്ക് സഹസ്ഥാപകന് റാണ കപൂറിന്റെ 2,203 കോടി രൂപയുടെ സ്വത്തുക്കള് കണ്ടുകെട്ടി. കപൂറിന്റെ വിദേശത്തുള്ള ചില വസ്തുവകകളുടെ കൈമാറ്റവും ഇ.ഡി തടഞ്ഞിട്ടുണ്ട്
ഡിഎച്ച്എഫ്എല് പ്രമോട്ടര്മാരായ കപില് വാധ്വാന്, ധീരജ് വാധ്വാന് എന്നിവരുടെ സ്വത്തും കണ്ടുകെട്ടി. കപൂറും കുടുംബവും കൈക്കൂലി വാങ്ങി വന്തുക വായ്പ നല്കി ബാങ്കിന് 4,300 കോടി രൂപയുടെ കിട്ടാക്കടമുണ്ടാക്കിയതായി ഇഡി ആരോപിക്കുന്നു,
മാര്ച്ചിലാണ് എന്ഫോഴ്സ്മെന്റ് ഡയറക്ടറേറ്റ് റാണാ കപൂറിനെ അറസ്റ്റ് ചെയ്തത്. നിലവില് ഇയാള് ജുഡീഷ്യല് കസ്റ്റഡിയിലാണ്.