തിരുവനന്തപുരം: ചീഫ് സെക്രട്ടറി ഡോ. വിശ്വാസ് മേത്തയുടെ സ്രവ പരിശോധനാഫലം നെഗറ്റീവ്. ഡ്രൈവര്ക്ക് കോവിഡ് സ്ഥിരീകരിച്ചതിനെത്തുടര്ന്നാണ് ചീഫ് സെക്രട്ടറിയെ പരിശോധനക്ക് വിധേയനാക്കുന്നത്. കോവിഡ് സ്ഥിരീകരിച്ച ഡ്രൈവറുടെ സേവനം അഞ്ചു ദിവസമായി ചീഫ് സെക്രട്ടറി ഉപയോഗിക്കുന്നില്ല. എന്നാല് ഡ്രൈവര്ക്ക് രോഗബാധ സ്ഥിരീകരിച്ചപ്പോള് തന്നെ മെഡിക്കല് കോളേജിലെ ആരോഗ്യ സംഘം ചീഫ് സെക്രട്ടറിയുടെ സ്രവം പരിശോധനയ്ക്കായി ശേഖരിച്ചിരുന്നു. ഈ പരിശോധനാഫലമാണ് ഇപ്പോള് നെഗറ്റീവായത്.