റിയാദ്: സൗദി അറേബ്യയ്ക്ക് ആശ്വാസം പകര്ന്ന് കോവിഡ് മുക്തരായ ആളുകളുടെ എണ്ണം ഒന്നരലക്ഷത്തിലേക്ക്. തിങ്കളാഴ്ച 4398 പേര് കൂടി സുഖം പ്രാപിച്ചതോടെ ആകെ രോഗമുക്തരുടെ എണ്ണം 149634 ആയി. എന്നാല് 4207 പേര്ക്ക് പുതുതായി രോഗം സ്ഥിരീകരിച്ചതോടെ വൈറസ് ബാധിതരുടെ ആകെ എണ്ണം 213716 ആയി. രാജ്യത്തെ വിവിധ ആശുപത്രികളില് ചികിത്സയില് കഴിയുന്നവരുടെ എണ്ണം 62114 ആയി കുറഞ്ഞു. ഇതില് 2254 പേര് ഗുരുതരസ്ഥയില് തീവ്രപരിചരണ വിഭാഗത്തിലാണ്. 52 പേരാണ് തിങ്കളാഴ്ച മരിച്ചത്. ഇതോടെ ആകെ മരണസംഖ്യ 1968 ആയി ഉയർന്നു.
24 മണിക്കൂറിനിടെ 60,064 കോവിഡ് ടെസ്റ്റുകൾ രാജ്യവ്യാപകമായി നടന്നു. ഇതുവരെ 1,934,391 പി.സി.ആർ ടെസ്റ്റുകളാണ് നടന്നത്. തിങ്കളാഴ്ച റിയാദ് 22, ജിദ്ദ 10, മക്ക 7, മദീന 4, ദമ്മാം 2, ഹുഫൂഫ് 2, ബുറൈദ 1, തബൂക്ക് 4 എന്നിവിടങ്ങളിലാണ് മരണം റിപ്പോർട്ട് ചെയ്തത്. ജിദ്ദയിൽ മരണ സംഖ്യ 538 ഉം റിയാദിൽ 475 ഉം മക്കയിൽ 435 ഉം ആണ് മരണസംഖ്യ. രാജ്യത്തെ ചെറുതും വലുതുമായ 199 പട്ടണങ്ങളാണ് രോഗത്തി െൻറ പിടിയിലായത്.