കാണ്‍പൂര്‍: ഉത്തര്‍പ്രദേശില്‍ എട്ടു പൊലീസുകാരെ ഏറ്റുമുട്ടലില്‍ കൊലപ്പെടുത്തിയ സംഭവത്തിലെ മുഖ്യപ്രതി വികാസ് ദുബെയെ കണ്ടെത്താന്‍ സഹായിക്കുന്നവര്‍ക്ക് രണ്ടരലക്ഷം രൂപ പാരിതോഷികം. നേരത്തേ പാരിതോഷികം 50,000 രൂപയായി പ്രഖ്യാപിക്കുകയും പിന്നീട് ഒരുലക്ഷമായി ഉയര്‍ത്തുകയും ചെയ്തിരുന്നു. ഇന്ത്യ -നേപ്പാള്‍ അതിര്‍ത്തിയില്‍ ഉള്‍പ്പെടെ ദുബെയുടെ ചിത്രങ്ങള്‍ പതിച്ചു. ദുബെ യു.പി വിട്ട് മധ്യപ്രദേശ്, രാജസ്ഥാന്‍ എന്നീ സംസ്ഥാനങ്ങളിലേക്ക് കടന്നിട്ടുണ്ടാകാമെന്ന അനുമാനത്തിലാണ് അന്വേഷണം. വ്യാഴാഴ്ച നടന്ന ഏറ്റുമുട്ടലില്‍ എട്ടുപൊലീസുകാരാണ് കൊല്ലെപ്പട്ടത്. നിരവധിപേര്‍ക്ക് പരിക്കേല്‍ക്കുകയും ചെയ്തു.
വികാസ് ദുബെയെ കണ്ടെത്താന്‍ സഹായിക്കുന്നവര്‍ക്ക് രണ്ടരലക്ഷംരൂപ പ്രതിഫലം
