ന്യൂഡല്‍ഹി: ജൂലൈ അവസാനത്തോടെ രാജ്യതലസ്ഥാനത്ത് 5.5 ലക്ഷം പേര്‍ക്ക് കോവിഡ് ബാധിക്കുമെന്നത് കേന്ദ്ര സര്‍ക്കാരിന്‍റെ കണക്കാണെന്ന് ഡല്‍ഹി ഉപമുഖ്യമന്ത്രി മനീഷ് സിസോദിയ. കേന്ദ്രത്തിന്‍റെ കണക്ക് പൊതുജനങ്ങളുമായി പങ്കുവയ്ക്കുമാത്രമാണ് താന്‍ ചെയ്തതെന്നും സിസോദിയ പറഞ്ഞു.
ഡല്‍ഹിയില്‍ ജൂലൈ അവസാനത്തോടെ 5.5 ലക്ഷം പേര്‍ക്ക് കോവിഡ് സ്ഥിരീകരിക്കുമെന്നാണ് സിസോദിയ പറയുന്നതെന്ന് ചൂണ്ടിക്കാട്ടി കഴിഞ്ഞദിവസം കേന്ദ്ര ആഭ്യന്തരമന്ത്രി അമിത്ഷാ വിമര്‍ശനവുമായി രംഗത്തെത്തിയതിന് പിന്നാലെയാണ് വിശദീകരണം. ഇത് ജനങ്ങള്‍ക്കിടയില്‍ കൂടുതല്‍ ആശങ്കയുണ്ടാക്കിയെന്നും അമിത്ഷാ പറഞ്ഞതിന് പിന്നാലെയാണ് വിശദീകരണം.
നാളെ എന്ത് സംഭവിക്കുമെന്ന് ആര്‍ക്കും പ്രവചിക്കാനാവില്ല. എന്നാല്‍, ഇതുമായി ബന്ധപ്പെട്ട പ്രവചനങ്ങളെല്ലാം സര്‍ക്കാറിെന്‍റ പോര്‍ട്ടലുകളില്‍ പങ്കുവെക്കപ്പെട്ടിട്ടുണ്ട്. അത്തരമൊരു വിവരമാണ് താന്‍ അറിയിച്ചത്. അറിയിപ്പ് നല്‍കിയാല്‍ ജനങ്ങള്‍ മുന്‍കരുതലെടുക്കുമെന്ന് എന്‍.ഡി.ടി.വിക്ക് നല്‍കിയ അഭിമുഖത്തില്‍ സിസോദിയ പറഞ്ഞു. ഇതുവരെ ഡല്‍ഹി സുരക്ഷിതമാണ്. ആര്‍ക്കാണ് അതിെന്‍റ ക്രെഡിറ്റെന്നത് താന്‍ നോക്കുന്നില്ല. ഡല്‍ഹിയിലെ ജനങ്ങളുടെ സുരക്ഷക്കാണ് താന്‍ പ്രാധാന്യം നല്‍കുന്നതെന്ന്സിസോദിയ കൂട്ടിച്ചേര്‍ത്തു.
