ഇന്ത്യയുടെ ലോകോത്തര ബാറ്റ്സ്മാന്‍ വിരാട് കോഹ്ലിയുമായി തന്നെ താരതമ്യം ചെയ്യുന്നതിനോട് താല്‍പര്യമില്ലെന്ന് പാകിസ്താന്‍ ഏകദിന നായകനായ ബാബര്‍ അസം. അതേസമയം പാകിസ്താന്‍ ഇതിഹാസ താരങ്ങളായ ജാവേദ് മിയാന്‍ദാദ്, യൂസുഫ് ഖാന്‍, മുഹമ്മദ് യൂനിസ് എന്നിവരുമായി തന്നെ താരതമ്യം ചെയ്യുന്നതാണ് നല്ലതെന്നും ബാബര്‍ അസം പറഞ്ഞു. ഇംഗ്ലണ്ട് പര്യടനത്തിനായി പോയ ബാബര്‍ അവിടെവെച്ച്‌ പാകിസ്താന്‍ മാധ്യമത്തോട് സംസാരിക്കുകയായിരുന്നു. പാകിസ്താന്‍ കോഹ്ലി എന്നായിരുന്നു കരിയറിെന്‍റ തുടക്കത്തില്‍ തന്നെ ബാബറിനെ വിശേഷിപ്പിച്ചിരുന്നത്. എന്നാല്‍ താനും കോഹ്ലിയും വ്യത്യസ്ത തരത്തിലുള്ള താരങ്ങളാണെന്നാണ് പലപ്പോഴായി ബാബർ പറഞ്ഞിരുന്നത്. നിലവിൽ െഎ.സി.സി ടി20 റാങ്കിങ്ങിൽ ഒന്നാമതാണ് ബാബർ. ഏകദിന റാങ്കിങ്ങിൽ കോഹ്ലിയാണ് ഒന്നാമനായി തുടരുന്നത്….
കോലിക്കൊപ്പമോ, ഭാവിയില്‍ അതിനു മുകളിലോയെത്താന്‍ ശേഷിയുള്ള ബാറ്റ്സ്മാനെന്നാണ് അസം ചൂണ്ടിക്കാണിക്കപ്പെടുന്നത്. ഇന്ത്യൻ ക്യാപ്റ്റൻ വിരാട് കോഹ്ലിയേക്കാൾ മികച്ച ബാറ്റ്സ്മാനാണ് ബാബർ അസം എന്ന് മുൻ ഓസ്ട്രേലിയൻ ഓൾ റൗണ്ടർ ടോം മൂഡി പറഞ്ഞിരുന്നു.
