റിയാദ്: മകളുടെ വിവാഹത്തിനായി അടുത്ത മാസം നാട്ടില് പോകാനിരുന്ന മലയാളി ഹൃദയാഘാതം മൂലം മരിച്ചു. കേളി കലാസാംസ്കാരിക വേദി അല്ഖര്ജ് ഏരിയ സഹബ യൂനിറ്റംഗവും കണ്ണൂര് പറശ്ശിനിക്കടവ് സ്വദേശിയുമായ സുനീഷ് മുണ്ടച്ചാലില് (59) ആണ് വെള്ളിയാഴ്ച ഉച്ചക്ക് മരിച്ചത്. റിയാദിന് സമീപം അല്ഖര്ജിലെ താമസസ്ഥലത്ത് മരിച്ച നിലയില് കണ്ടെത്തിയത്. 29 വര്ഷമായി അല് അഖ്വേന് ചിക്കന് കമ്ബനിയില് ടെക്നീഷ്യനായി ജോലി ചെയ്തു വരികയായിരുന്നു.
കണ്ണൂര് പറശ്ശിനിക്കടവ് പുതിയപുരയില് ചന്ദ്രശേഖരന് – നാരായണി ദമ്ബതികളുടെ മകനാണ്. ഭാര്യ: ജൂലാ സുനീഷ്. ഏകമകള് മാളവിക. കഴിഞ്ഞ വര്ഷം ആഗസ്റ്റിലാണ് നാട്ടില് നിന്ന് അവധി കഴിഞ്ഞെത്തിയത്. അടുത്തമാസം മകളുടെ വിവാഹത്തിന് നാട്ടില് പോകാനിരിക്കെയാണ് അന്ത്യം. മൃതദേഹം നാട്ടിലെത്തിക്കാനുള്ള പ്രവര്ത്തനം കേളി അല്ഖര്ജ് ഘടകം ജീവകാരുണ്യ വിഭാഗം ജോയിന്റ് കണ്വീനര് ഷാജഹാന് കൊല്ലത്തിന്റെ നേതൃത്വത്തില് നടന്നു വരുന്നു.