അമേരിക്കയില്‍ കോവിഡ് നിയന്ത്രണാതീതമായി പടരുന്ന സാഹചര്യത്തില്‍ അരിസോണയിലും ഫ്ളോറിഡയിലും അടുത്ത ആഴ്ച നടക്കേണ്ടിയിരുന്ന, വൈസ് പ്രസിഡന്‍റ് മൈക്ക് പെന്‍സിന്‍റെ തെരഞ്ഞെടുപ്പ് പ്രചാരണം നീട്ടിവെച്ചു.പ്രചാരണം നീട്ടിവച്ചതായി ട്രംപ്- പെന്‍സ് തെരഞ്ഞെടുപ്പ് കാംപെയ്നുമായി ബന്ധപ്പെട്ടവര്‍ അറിയിച്ചു.
അതേസമയം അമേരിക്കയില്‍ അമേരിക്കയില്‍ കോവിഡ് ബാധിതരുടെ എണ്ണം 26 ലക്ഷത്തിലേക്ക് കുതിക്കുന്നു. ജോണ്‍സ് ഹോപ്കിന്‍സ് സര്‍വകലാശാലയുടെ ഔദ്യോഗിക കണക്കുകള്‍ പ്രകാരം 25,96,403 പേര്‍ക്കാണ് രാജ്യത്ത് കോവിഡ് ബാധിച്ചിട്ടുള്ളത്.1,28,152 പേര്‍ രോഗത്തേത്തുടര്‍ന്ന് മരണമടഞ്ഞു. 10,79,892പേര്‍ക്കാണ് അമേരിക്കയില്‍ ഇതുവരെ രോഗമുക്തി നേടാനായത്.
