റിയാദ്: കെ.എം.സി.സി റിയാദ് സെന്ട്രല് കമ്മിറ്റി ചാര്ട്ട് ചെയ്ത മറ്റൊരു വിമാനംകൂടി കൊച്ചിയിലെത്തി. ഇന്ഡിഗോ എയര്ലൈന്സ് വിമാനത്തില് 171 യാത്രക്കാരാണ് വെള്ളിയാഴ്ച നെടുമ്ബാശ്ശേരി വിമാനത്താവളത്തില് ഇറങ്ങിയത്. റിയാദില്നിന്ന് ഉച്ചക്ക് രണ്ടോടെയാണ് വിമാനം പറന്നുയര്ന്നത്. റിയാദില്നിന്നുള്ള കെ.എം.സി.സിയുടെ നാലാമത്തെ വിമാനമാണിത്. യാത്രക്കാരില് 23 പേര് ഗര്ഭിണികളും 29 പേര് രോഗികളും മൂന്നുപേര് കുട്ടികളുമാണ്. രോഗികളില് രണ്ടുപേര് വീല്ചെയറിലാണ് യാത്ര ചെയ്തത്.