പാലക്കാട്:പ്ലാസ്മ തെറാപ്പിയിലൂടെ സംസ്ഥാനത്ത് ആദ്യമായി കൊവിഡ് ദേഭമായ രോഗി ആശുപത്രി വിട്ടു. പാലക്കാട് ഒതളൂര്‍ സ്വദേശി സൈനുദ്ദീനാണ് അസുഖം ഭേദമായി വീട്ടിലേക്ക് മടങ്ങിയത്. മഞ്ചേരി മെഡിക്കല്‍ കോളേജ് ആശുപത്രില്‍ ചികിത്സയിലായിരുന്നു ഇദ്ദേഹം. മസ്ക്കറ്റില്‍ നിന്ന് നാട്ടിലെത്തിയ സൈനുദ്ദീന് ഈ മാസം പതിമൂന്നിനാണ് രോഗം സ്ഥിരീകരിച്ചത്. സംസ്ഥാന മെഡിക്കല്‍ ബോര്‍ഡിന്റെ നിര്‍ദേശപ്രകാരമാണ് പ്ലാസ്മ തെറാപ്പി ചികിത്സ നടത്തിയത്.നേരത്തെ കൊവിഡ് രോഗമുക്തി നേടിയ എടപ്പാള്‍ സ്വദേശി വിനീതാണ് സൈനുദ്ദീന് പ്ലാസ്മ നല്‍കിയത്.
കേരളത്തില്‍ ആദ്യമായി പ്ലാസ്മ തെറാപ്പിയിലൂടെ രോഗമുക്തി, കൊവിഡ് ഭേദമായ പാലക്കാട് സ്വദേശി ആശുപത്രി വിട്ടു
