തിരുവനന്തപുരം: കോവിഡ് സാമൂഹ്യ വ്യാപനം ഇല്ലെന്ന് ഉറപ്പാക്കാന്‍ റാന്‍ഡം ടെസ്റ്റ് നടത്തുന്നു. ആരോഗ്യപ്രവര്‍ത്തകര്‍, പോലീസ്, ഹോം ഡെലിവറി നട ത്തുന്നവര്‍, സന്നദ്ധ പ്രവര്‍ത്തകര്‍, അതിഥി തൊഴിലാളികള്‍ എന്നിവര്‍ക്കിടയിലാണ് റാന്‍ഡം ടെസ്റ്റ് നടത്തുന്നത്.
പ്രവാസികള്‍ക്കുള്ള അവശ്യ മരുന്നുകള്‍ എത്തിക്കാന്‍ സംവിധാനം ഏര്‍പ്പെടുത്തിയതായി മുഖ്യമന്ത്രി പിണറായി വിജയന്‍. പ്രവാസികള്‍ക്ക് മരുന്ന് എത്തിക്കാന്‍ തയ്യാറാണെന്ന് ഡി.എച്ച്‌.എല്‍ കൊറിയര്‍ സര്‍വീസ് കമ്ബനി നോര്‍ക്ക റൂട്ട്‌സിനെ അറിയിച്ചതായും ഇവര്‍ ഡോര്‍ ടു ഡെലിവറിയായി മരുന്നുകള്‍ എത്തിച്ചു നല്‍കുമെന്നും മുഖ്യമന്ത്രി വാര്‍ത്താസമ്മേളനത്തില്‍ പറഞ്ഞു. മരുന്നും ബില്ലുകളും കൊച്ചിയിലെ ഓഫീസില്‍ എത്തിച്ചാല്‍ പാക്കിങ് ഉള്‍പ്പെടെ കമ്ബനി നിര്‍വഹിച്ച്‌ ഡോര്‍ ഡെലിവറിയായി എത്തിച്ചുനല്‍കും. റെഡ് സോണ്‍ അല്ലാത്ത ജില്ലകളില്‍ രണ്ട് ദിവസത്തിനകം ഓഫീസുകള്‍ തുറക്കാമെന്നും ഡി.എച്ച്‌.എല്‍. അറിയിച്ചു.
