പുതുച്ചേരി: കോവിഡ് വ്യാപനം രൂക്ഷമായ പശ്ചാത്തലത്തില് പുതുച്ചേരി മുഖ്യമന്ത്രി അടക്കമുള്ള മന്ത്രിമാര്ക്ക് ഇന്ന് കൊവിഡ് പരിശോധന നടത്തി. നിലവില് ഏര്പ്പെടുത്തുന്ന പ്രതിരോധ പ്രവര്ത്തനങ്ങളുടെ ഭാഗമായാണ് പരിശോധന വ്യാപിപ്പിച്ചത്. നിലവില് എംപിമാരേയും എംഎല്എമാരേയും അടക്കമുള്ളവരെയാണ് ആരോഗ്യ വകുപ്പ് പരിശോധനയ്ക്ക് വിധേയരാക്കിയത്.
മുഖ്യമന്ത്രി വി നാരായണ സ്വാമി, മന്ത്രിമാര്, സ്പീക്കര്, എംഎല്എമാര്, എംപിമാര് എന്നിവര് പരിശോധനയില് പങ്കെടുത്തു. ആരോഗ്യ പ്രവര്ത്തക സംഘം നിയമസഭയില് നേരിട്ട് എത്തിയാണ് പരിശോധന നടത്തിയത്. ആര്ക്കും രോഗലക്ഷണങ്ങള് ഉണ്ടായിരുന്നില്ല. എന്നാല് മുന് കരുതലെന്നോണം പരിശോധന നടത്തുകയായിരുന്നുവെന്ന് ആരോഗ്യവകുപ്പ് അധികൃതര് അറിയിച്ചു. അതേസമയം പുതുച്ചേരിയില് ഏഴ് പേര്ക്കാണ് ഇതുവരെ കൊവിഡ് സ്ഥിരീകരിച്ചത്. ഇതില് മൂന്ന് പേര് രോഗം ഭേദമായി ആശുപത്രി വിട്ടു.