ല​ണ്ട​ൻ: കോ​വി​ഡ് -19 എ​ന്ന മ​ഹാ​മാ​രി​മൂ​ലം ജീ​വ​ൻ ന​ഷ്ട​പ്പെ​ടു​ന്ന​വ​രു​ടെ പ​ട്ടി​ക​യി​ൽ അ​ഞ്ചാം സ്ഥാ​ന​മു​ള്ള ബ്രി​ട്ട​നി​ൽ ഇ​തു​വ​രെ​യാ​യി 17,500ൽ ​അ​ധി​കം പേ​രാ​ണു മ​രി​ച്ച​ത്. നാ​ഷ​ണ​ൽ ഹെ​ൽ​ത്ത് സ​ർ​വീ​സ് (എ​ൻ​എ​ച്ച്എ​സ്) ട്ര​സ്റ്റി​നു കീ​ഴി​ലു​ള്ള ആ​ശു​പ​ത്രി​ക​ളി​ൽ മ​ല​യാ​ളി​ക​ള​ട​ക്ക​മു​ള്ള ഇ​ന്ത്യ​ക്കാ​ർ ജോ​ലി ചെ​യ്യു​ന്ന​തു യു​ദ്ധ​സ​മാ​ന​മാ​യ സാ​ഹ​ച​ര്യ​ത്തി​ലാ​ണ്.

ക്രോ​യ്ഡ​ണ്‍ യൂ​ണി​വേ​ഴ്സി​റ്റി ഹോ​സ്പി​റ്റ​ലി​ലെ (സി​യു​എ​ച്ച്) മ​ല​യാ​ളി​യാ​യ ഡോ. ​അ​ജി​കു​മാ​ർ ക​വി​ദാ​സ​ൻ എ​ന്ന ചെ​സ്റ്റ് ക​ണ്‍​സ​ൾ​ട്ട​ന്‍റും ഇ​ന്‍റ​ർ​വെ​ൻ​ഷ​ണ​ൽ പ​ൾ​മോ​ണോ​ള​ജി​സ്റ്റും അ​ദ്ദേ​ഹ​ത്തി​ന്‍റെ ടീ​മും മ​ര​ണ​മു​ഖ​ത്തെ നേ​രി​ൽ കാ​ണു​ന്പോ​ഴും പു​ഞ്ചി​രി​യി​ൽ പൊ​തി​ഞ്ഞ ധൈ​ര്യ​വു​മാ​യി നേ​രി​ടു​ന്നു. കൊ​റോ​ണ​യെ നേ​രി​ടാ​ൻ ഡോ. ​അ​ജി​കു​മാ​റി​നൊ​പ്പം സി​യു​എ​ച്ചി​നെ സ​ജ്ജ​മാ​ക്കു​ന്ന​തി​ൽ ഡോ​ക്ട​ർ​മാ​രാ​യ റോ​ഷ​ൻ ശി​വ, സ​ജി​ത് ചൗ​ധ​രി, യോ​ഗി​നി രാ​സ്തേ, റെ​സ മോ​ടാ​സ​ദ് , ശ്രീ​കാ​ന്ത് അ​കു​നൂ​റി എ​ന്നി​വ​രാ​ണു​ള്ള​ത്. ആല​പ്പു​ഴ സ്വ​ദേ​ശി​യാ​ണ് ഡോ. ​അ​ജി. തു​ട​ക്ക​ത്തി​ൽ ചി​കി​ത്സ​ാരം​ഗ​ത്ത് ഏ​റെ പ്ര​തി​സ​ന്ധി​ക​ൾ ഉ​ണ്ടാ​യി​രു​ന്നെ​ങ്കി​ലും ഡോ. ​അ​ജി​കു​മാ​റും സം​ഘ​വും ധൈ​ര്യ​പൂ​ർ​വം ആ ​സാ​ഹ​സി​ക​ഘ​ട്ട​ത്തെ പി​ന്നി​ട്ടു.

സി​യു​എ​ച്ചി​ലെ റെ​സ്പി​റേ​റ്റ​റി മെ​ഡി​സി​ൻ മേ​ധാ​വി​യാ​യ ഡോ. ​അ​ജി​കു​മാ​ർ ത​ന്നെ ഒ​രു ദി​വ​സം അ​ന്പ​തോ​ളം കോ​വി​ഡ്-19 രോ​ഗി​ക​ളെ​യാ​ണ് പ​രി​ശോ​ധി​ക്കു​ന്ന​ത്. ഒ​ന്നി​ല​ധി​കം രോ​ഗ​മു​ള്ള​യാ​ളാ​ണെ​ങ്കി​ൽ കാ​ര്യ​ങ്ങ​ൾ കു​ഴ​യു​മെ​ന്നും ഡോ. ​അ​ജി പ​റ​യു​ന്നു. കൊ​റോ​ണ വൈ​റ​സ് ബാ​ധി​ച്ച​വ​രി​ൽ ഭൂ​രി​ഭാ​ഗ​വും 50നു ​മേ​ൽ പ്രാ​യ​മു​ള്ള​വ​രും ര​ക്താ​തി​മ​ർ​ദ​വും പ്ര​മേ​ഹ​വു​മു​ള്ള​വ​രാ​ണ്.

പ്ര​തി​സ​ന്ധി​ക​ളി​ലൂ​ടെ​യാ​ണ് അ​ജി​യു​ടെ ജീ​വി​ത​വും ക​ട​ന്നു​വ​ന്ന​ത്. ആ​ല​പ്പു​ഴ ജി​ല്ല​യി​ലെ ആ​റാ​ട്ടു​പു​ഴ​യി​ലെ മം​ഗ​ലം ഗ​വ​ണ്‍​മെ​ന്‍റ് ഹൈ​സ്കൂ​ളി​ലാ​യി​രു​ന്നു പ്രാ​ഥ​മി​ക വി​ദ്യാ​ഭ്യാ​സം. തു​ട​ർ​ന്നു​ള്ള ക​ഠി​നാ​ധ്വാ​ന​വും ദൃ​ഢ​നി​ശ്ച​യ​വും മൂ​ലം ആ​ല​പ്പു​ഴ മെ​ഡി​ക്ക​ൽ കോ​ള​ജി​ൽ​നി​ന്നു മെ​ഡി​സി​ൻ പ​ഠ​നം പൂ​ർ​ത്തി​യാ​ക്കി. പ്ര​ധാ​ന​മ​ന്ത്രി ബോ​റീ​സ് ജോ​ണ്‍​സ​ൺ കോ​വി​ഡ് -19 പോ​സി​റ്റീ​വ് ആ​ണെ​ന്നു സ്ഥി​രീ​ക​രി​ച്ച​തി​നു ശേ​ഷം മാ​ത്ര​മാ​ണ് യു​കെ​യി​ലെ ആ​ളു​ക​ൾ ഈ ​മ​ഹാ​മാ​രി​യെ ഗൗ​ര​വ​മാ​യി എ​ടു​ത്ത​തെ​ന്നും ഡോ.​അ​ജി വെ​ളി​പ്പെ​ടു​ത്തി.

കേ​ര​ള​ത്തെ​പ്പോ​ലെ ബ്രി​ട്ട​ൻ വേ​ണ്ട സ​മ​യ​ത്തു ലോ​ക്ക്ഡ​ണ്‍ ന​ട​പ​ടി എ​ടു​ത്തി​രു​ന്നെ​ങ്കി​ൽ, കാ​ര്യ​ങ്ങ​ൾ ഇ​ത്ര കൈ​വി​ട്ടു പോ​കു​മാ​യി​രു​ന്നി​ല്ലെ​ന്നും ഡോ.​അ​ജി ദീ​പി​ക​യോ​ടു പ​റ​ഞ്ഞു. ഭാ​ര്യ പ്രി​ജി​ക്കും ര​ണ്ടു മ​ക്ക​ൾ​ക്കു​മൊ​പ്പം ല​ണ്ട​നി​ലെ ക്രൊ​യ്ഡ​ണി​ലാ​ണ് ഡോ. ​അ​ജി​യും കു​ടും​ബ​വും താ​മ​സി​ക്കു​ന്ന​ത്. വേ​ൾ​ഡ് മ​ല​യാ​ളി കൗ​ണ്‍​സി​ൽ ഗ്ലോ​ബ​ൽ ഗു​ഡ്‌​വി​ൽ അം​ബാ​സ​ഡ​ർ, ഡ​ബ്ല്യു​എം​സി (യു​കെ) ചെ​യ​ർ​മാ​ൻ എ​ന്നീ പ​ദ​വി​ക​ളും അ​ദ്ദേ​ഹം വ​ഹി​ക്കു​ന്നു​ണ്ട്.