വത്തിക്കാന്‍ സിറ്റി: വത്തിക്കാനിൽ കൊറോണാ വൈറസ് ബാധിച്ച രോഗികളുടെ എണ്ണം ഒന്‍പതായി. കഴിഞ്ഞ ദിവസം ഒരാള്‍ക്ക് കൂടി രോഗം സ്ഥിരീകരിച്ചതോടെയാണ് രോഗബാധിതരുടെ എണ്ണം ഒന്‍പതായി ഉയര്‍ന്നത്. വ്യക്തിയെ ക്വാറന്റൈന് വിധേയമാക്കിയെന്ന് വത്തിക്കാന്‍ പ്രസ് ഓഫീസ് ഡയറക്ടർ മാറ്റിയോ ബ്രൂണി പ്രസ്താവിച്ചു. കഴിഞ്ഞ രണ്ടാഴ്ചയായി രോഗം ബാധിച്ച വ്യക്തിയുമായി ജോലിസ്ഥലത്ത് സമ്പർക്കം പുലർത്തിയിരുന്നവരിൽ ഉചിതമായ നടപടികളും ശുചിത്വ പരിശോധനയും നടത്തിയതായും മറ്റൊരു വ്യക്തിക്കും രോഗം ബാധിച്ചിട്ടില്ലെന്നും വത്തിക്കാന്‍ വ്യക്തമാക്കി. ആകെ രോഗികളില്‍ ഏഴു പേരും വത്തിക്കാനിലെ ജീവനക്കാരാണ്. രണ്ടു പേര്‍ രോഗവിമുക്തരായിട്ടുണ്ട്.