ന്യൂഡല്‍ഹി: കോവിഡ് പ്രതിസന്ധി ഉണ്ടാക്കിയ ഞെരുക്കം കാരണം കേന്ദ്രജീവനക്കാരുടെ ഡി.എ വര്‍ധന തല്‍കാലം തടഞ്ഞ്വെച്ചേക്കും. ഇന്ന് ചേരുന്ന കേന്ദ്ര കാബിനറ്റ് ഇത് സംബന്ധിച്ച്‌ തീരുമാനം കൈകൊള്ളുമെന്നാണ് പ്രതീക്ഷിക്കുന്നത്.
ഡി.എ വര്‍ധിപ്പിക്കാന്‍ കേന്ദ്ര കാബിനറ്റ് കഴിഞ്ഞ മാസം തീരുമാനിച്ചിരുന്നു. നിലവിലുള്ള 17 ശതമാനം 21 ശതമാനമാക്കി വര്‍ധിപ്പിക്കാനാണ് തീരുമാനിച്ചിരുന്നത്്. എന്നാല്‍, കോവിഡ് പ്രതിസന്ധിയും ലോക്ഡൗണ്‍ മൂലമുണ്ടായ സാമ്ബത്തിക ഞെരുക്കവും കാരണം തീരുമാനം നടപ്പാക്കിയിരുന്നില്ല. ഇൗ സാമ്ബത്തിക വര്‍ഷം മുഴുവനായി ഡി.എ വര്‍ധന തടഞ്ഞ് വെക്കാനാണ് സര്‍ക്കാര്‍ ആലോചിക്കുന്നത്.
ഡി.എ യില്‍ വര്‍ധന വരുത്തുകയും ഇപ്പോഴത് കുടിശ്ശികയാക്കി വെക്കുകയും െചയ്യുന്നത് സര്‍ക്കാര്‍ പരിഗണിക്കുന്നുണ്ട്. സാമ്ബത്തിക ഞെരുക്കത്തില്‍ നിന്ന് കരകയറുേമ്ബാള്‍ ആ കുടിശ്ശിക വിതരണം ചെയ്യാമെന്ന കണക്കുകൂട്ടലിലാണിത്. ഇൗ വര്‍ഷം ഡി.എ വര്‍ധന വിതരണം ചെയ്യില്ലെന്ന് ഏറെകുടെ ഉറപ്പായിട്ടുണ്ട്.
സര്‍ക്കാര്‍ തീരുമാനം 54 ലക്ഷം ജീവനക്കാരെയും 65 ലക്ഷം പെന്‍ഷന്‍കാരെയും ബാധിക്കുന്നതാണ്. ഡി.എ വര്‍ധന നടപ്പാക്കിയാല്‍ 14,595 കോടിയുടെ അധികബാധ്യതയാണ് സര്‍ക്കാറിനുണ്ടാകുക.
കേന്ദ്രജീവനക്കാരുടെ ഒരു ദിവസത്തെ വേതനം വീതം 12 മാസം പി.എം കെയേര്‍സിലേക്ക് പിരിച്ചെടുക്കുന്ന പ്രവര്‍ത്തനങ്ങള്‍ പുരോഗമിക്കുന്നുണ്ട്. കോവിഡുമായി ബന്ധപ്പെട്ട ആശ്വാസ പദ്ധതികള്‍ നടപ്പാക്കാന്‍ പ്രധാനമന്ത്രിയുടെ മേല്‍നോട്ടത്തില്‍ പ്രവര്‍ത്തിക്കുന്ന ട്രസ്റ്റാണ് പി.എം കെയേര്‍സ്.
