പ​ത്ത​നം​തി​ട്ട: കോ​വി​ഡ് ബാ​ധി​ച്ച്‌ 42 ദി​വ​സം ചി​കി​ത്സ​യി​ല്‍ ക​ഴി​ഞ്ഞി​ട്ടും രോ​ഗം ഭേ​ദ​മാ​കാ​തെ വീ​ട്ട​മ്മ. ഇ​വ​രു​ടെ 19 ാം പ​രി​ശോ​ധ​നാ ഫ​ല​വും പോ​സി​റ്റീ​വാ​യി. റാ​ന്നി ചെ​റു​കു​ള​ഞ്ഞി സ്വ​ദേ​ശി​നി​യാ​യ വീ​ട്ട​മ്മ​യാ​ണ് ഒ​രു മാ​സം ക​ഴി​ഞ്ഞി​ട്ടും രോ​ഗം ഭേ​ദ​മാ​കാ​തെ ആ​ശു​പ​ത്രി​യി​ല്‍ ക​ഴി​യു​ന്ന​ത്. ഇ​വ​ര്‍ കോ​ഴ​ഞ്ചേ​രി ജി​ല്ലാ ആ​ശു​പ​ത്രി​യി​ലാ​ണ് ചി​കി​ത്സ​യി​ലു​ള്ള​ത്.

ഇ​വ​ര്‍​ക്കൊ​പ്പം രോ​ഗം ബാ​ധി​ച്ച മ​ക​ള്‍ രോ​ഗം ഭേ​ദ​മാ​യി നാ​ല് ദി​വ​സം മു​ന്‍​പ് വീ​ട്ടി​ലേ​ക്കു മ​ട​ങ്ങി​യി​രു​ന്നു. ഇ​റ്റ​ലി​യി​ല്‍​നി​ന്നെ​ത്തി​യ കു​ടും​ബ​ത്തി​ല്‍‌​നി​ന്നാ​ണ് ഇ​വ​ര്‍‌​ക്ക് രോ​ഗം പി​ടി​പെ​ട്ട​ത്. ഇ​റ്റ​ലി കു​ടും​ബ​വും ഇ​വ​രി​ല്‍ നി​ന്നു കോ​വി​ഡ് ബാ​ധി​ച്ച മ​റ്റെ​ല്ലാ​വ​രും രോ​ഗം ഭേ​ദ​മാ​യി വീ​ട്ടി​ല്‍ തി​രി​ച്ചെ​ത്തി.

കാ​ര്യ​മാ​യ ആ​രോ​ഗ്യ പ്ര​ശ്ന​ങ്ങ​ളി​ല്ലാ​ത്ത ഇ​വ​ര്‍​ക്കു രോ​ഗം ഭേ​ദ​മാ​കാ​ത്ത​തു ആ​രോ​ഗ്യ​വ​കു​പ്പി​നെ ആ​ശ​യ​ക്കു​ഴ​പ്പ​ത്തി​ലാ​ക്കി​യി​ട്ടു​ണ്ട്. രോ​ഗി​ക്ക് ഇ​പ്പോ​ള്‍ കാ​ര്യ​മാ​യ രോ​ഗ ല​ക്ഷ​ണ​ങ്ങ​ളി​ല്ല. ഇ​വ​രി​ല്‍ നി​ന്ന് രോ​ഗം പ​ക​രാ​നും സാ​ധ്യ​ത​യി​ല്ല. ഇ​വ​രു​ടെ ചി​കി​ല്‍​സ സം​ബ​ന്ധി​ച്ചു ക​ഴി​ഞ്ഞ ദി​വ​സം ജി​ല്ലാ ആ​രോ​ഗ്യ ബോ​ര്‍​ഡ് യോ​ഗം ചേ​ര്‍​ന്നു വി​ശ​ദ​മാ​യ ച​ര്‍​ച്ച ന​ട​ത്തി​യി​രു​ന്നു.

മ​രു​ന്നി​ന്‍റെ പു​തി​യ ഡോ​സ് അ​വ​ര്‍​ക്ക് വീ​ണ്ടും ന​ല്‍​കി. ഇ​തി​ന്‍റെ ഫ​ലം വ​രാ​ന്‍ കാ​ത്തി​രി​ക്കു​ക​യാ​ണ് ഡോ​ക്ട​ര്‍​മാ​ര്‍. ഇ​തി​ലും ഫ​ലം നെ​ഗ​റ്റീ​വാ​യി​ല്ലെ​ങ്കി​ല്‍ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്കു മാ​റ്റാ​നാ​ണ് ആ​ലോ​ചി​ക്കു​ന്ന​ത്.