ഓസ്റ്റിന്‍ : കോവിഡ് 19 പ്രതിരോധവുമായി ബന്ധപ്പെട്ട് പ്രഖ്യാപിച്ച ലോക്​ഡൗണ്‍ പിന്‍വലിക്കണമെന്നാവശ്യപ്പെട്ട് ടെക്‌സസ് ഉള്‍പ്പെടെ സംസ്ഥാനങ്ങളില്‍ പ്രതിഷേധം ഇരമ്ബി. മിഷിഗണില്‍ നടന്ന പ്രതിഷേധത്തെ അനുകൂലിച്ച്‌ പ്രസിഡന്‍റ്​ ട്രംപ് ട്വീറ്റ് ചെയ്​തതിനെ തുടര്‍ന്നാണ് മറ്റുസംസ്ഥാനങ്ങളിലും പ്രതിഷേധം ശക്തമാകുന്നത്.

ടെക്‌സസ് തലസ്ഥാനമായ ഓസ്​റ്റിനില്‍ ഇന്‍ഫോ വാര്‍സ് എന്ന വെബ്‌സൈറ്റിന്‍െറ സൂത്രധാരന്‍ അലക്‌സ ജോണ്‍സിന്‍െറ പിന്തുണയോടെയാണ് പ്രതിഷേധ പ്രകടനം നടന്നത്. ‘ലെറ്റ് അസ് വര്‍ക്ക്, ലെറ്റ് അസ് വര്‍ക്ക്’ എന്ന് ഉച്ചത്തില്‍ മുദ്രാവാക്യം മുഴക്കിയാണ് പ്രതിഷേധക്കാര്‍ മുന്നോട്ടുനീങ്ങിയത്. തൊഴില്‍, സാമ്ബത്തിക മേഖലകളെ തകര്‍ച്ചയില്‍നിന്ന്​ വീണ്ടെടുക്കാന്‍ ലോക്​ഡൗണ്‍ പിന്‍വലിക്കണമെന്നും ഇവര്‍ ആവശ്യപ്പെട്ടു.

കോവിഡ് ഭീതിയില്‍നിന്ന്​ രാജ്യം മോചിതമായി പ്രവര്‍ത്തനനിരതമാകേണ്ട സമയമായിരിക്കുന്നു. സ്‌റ്റേ അറ്റ് ഹോം വഴി വൈറസ് വ്യാപനം ക്രമാനുസൃതമായി കുറക്കുന്നതില്‍ വിജയിച്ചു. ഇനിയും ലോക്​ഡൗണ്‍ നീട്ടിക്കൊണ്ടുപോകുന്നത് വ്യക്​തിസ്വാതന്ത്ര്യത്തിന്‍െറ ലംഘനമാണെന്നും പ്രതിഷേധക്കാര്‍ പറയുന്നു.

സംസ്ഥാനങ്ങള്‍ക്ക് സുരക്ഷിതമായ രീതിയില്‍ പ്രവര്‍ത്തനങ്ങള്‍ പുനഃരാംഭിക്കുന്നതിനുള്ള നിര്‍ദേശങ്ങള്‍ ഫെഡറല്‍ ഗവര്‍ണമെന്റുകള്‍ നല്‍കിയെന്ന് വൈസ് പ്രസിഡന്റ് മൈക്ക് പെന്‍സ് പറഞ്ഞു. അതേസമയം, അമേരിക്കയില്‍ കോവിഡ്​ ബാധിച്ച്‌​ മരിച്ചവരുടെ എണ്ണം 40,553 ആയി ഉയര്‍ന്നു. 763,832 പേര്‍ക്കാണ്​ ഇവിടെ രോഗം സ്​ഥിരീകരിച്ചത്​.