പരിമിതമായ ഓവര്‍ ക്രിക്കറ്റിനായി ഡക്ക്വര്‍ത്ത് ലൂയിസ് മഴ നിയമം ആവിഷ്കരിച്ച പ്രശസ്തനായ ടോണി ലൂയിസ് ബുധനാഴ്ച തന്റെ 78 ആം വയസ്സില്‍ അന്തരിച്ചു.അദ്ദേഹത്തിന്‍റെ മരണത്തില്‍ ക്രിക്കറ്റ് ലോകം അനുശോചിച്ചു. 1996-97 ല്‍ സിംബാബ്‌വെയും ഇംഗ്ലണ്ടും തമ്മില്‍ നടന്ന രണ്ടാം ഏകദിനത്തില്‍ ആദ്യമായി ഉപയോഗിച്ച മഴനിയമ രീതി ലൂയിസും സഹ ഗണിതശാസ്ത്രജ്ഞന്‍ ഫ്രാങ്ക് ഡക്ക്വര്‍ത്തും രൂപീകരിച്ചതായിരുന്നു.
1999 ലോകകപ്പില്‍ അന്താരാഷ്ട്ര ക്രിക്കറ്റ് കൗണ്‍സില്‍ മഴ നിയമം ഔദ്യോഗികമായി അംഗീകരിച്ചു. 2014 ല്‍, ക്വീന്‍സ്‌ലാന്റില്‍ നിന്നുള്ള ഗണിതശാസ്ത്രജ്ഞനായ സ്റ്റീവന്‍ സ്റ്റെര്‍ണ്‍ ആധുനിക സ്‌കോറിംഗ് നിരക്കുകള്‍ കണക്കിലെടുത്ത് നിയമത്തില്‍ മാറ്റങ്ങള്‍ വരുത്തി, 2015 ലോകകപ്പില്‍ ഡക്ക്വര്‍ത്ത് ലൂയിസ്-സ്റ്റേഷന്‍ രീതി ഉപയോഗിച്ചു. ലങ്കാഷെയറിലെ ബോള്‍ട്ടണില്‍ ജനിച്ച ലൂയിസ് ഷെഫീല്‍ഡ് സര്‍വകലാശാലയില്‍ നിന്ന് മാത്തമാറ്റിക്സ്, സ്റ്റാറ്റിസ്റ്റിക്സ് എന്നിവയില്‍ ബിരുദം നേടി. ക്രിക്കറ്റിനും ഗണിതശാസ്ത്രത്തിനുമുള്ള സേവനങ്ങള്‍ക്കായി 2010 ലെ ബ്രിട്ടീഷ് ബഹുമതികളില്‍ ഡക്ക്വര്‍ത്തിനൊപ്പം ലൂയിസിനെ എം‌ബി‌ഇകളായി നിയമിച്ചു.
