ഹൈദരാബാദ്: കോവിഡ്-19 വൈറസ് ബാധയുടെ പശ്ചാത്തലത്തില്‍ തെലുങ്കാനയിൽ സര്‍ക്കാര്‍ ജീവനക്കാരുടെ ശമ്പളം പകുതിയാക്കി. മുഴുവൻ ജീവനക്കാരുടെയും ശമ്പളം 50 ശതമാനം വെട്ടിക്കുറച്ചു. പെൻഷനും 50 ശതമാനം തെലുങ്കാന സർക്കാർ വെട്ടിക്കുറച്ചിട്ടുണ്ട്.
വൈറസ് ബാധയെത്തുടർന്നുണ്ടായ സാമ്പത്തിക പ്രതിസന്ധി മറികടക്കാനാണ് തെലുങ്കാന സർക്കാർ ശമ്പളം വെട്ടിക്കുറച്ചത്. ജനപ്രതിനിധികളുടെ വേതനവും 75 ശതമാനവും ഐഎഎസ്, ഐപിഎസ് ഉദ്യോഗസ്ഥരുടെ ശമ്പളത്തിൽ 60 ശതമാനവും കുറവ് വരുത്തിയിട്ടുണ്ട്.
