കൊറോണ വൈറസ് പടരുന്നതിനിടെ ഓസ്ട്രേലിയയില്‍ അടുത്ത 6 മാസത്തേക്ക് യാത്രാവിലക്ക്. ഓസ്ട്രേലിയയില്‍ 2000ല്‍ അധികം കൊറോണ വൈറസ് ബാധ റിപ്പോര്‍ട്ട് ചെയ്തതോടെയാണ് 6 മാസത്തേക്ക് അതിര്‍ത്തികള്‍ അടക്കാന്‍ ഓസ്ട്രേലിയ തീരുമാനിച്ചത്. ഇതോടെ അടുത്ത ആറ് മാസത്തേക്ക് ഒരു ടീമിന് ഓസ്ട്രേലിയയില്‍ പര്യടനം നടത്താനാവില്ല. ഇതോടെ അടുത്ത ഒക്ടോബറില്‍ നടക്കേണ്ട ഇന്ത്യ – ഓസ്ട്രേലിയ ടി20 പരമ്ബരയെ ഇത് ബാധിക്കാന്‍ സാധ്യതയേറി. ഒക്ടോബറില്‍ ഓസ്ട്രേലിയയില്‍ വെച്ച്‌തന്നെയാണ് ടി20 ലോകകപ്പ് നടക്കുന്നത്.
ഓസ്ട്രേലിയയില്‍ ആറ് മാസം കാലം യാത്രാവിലക്ക് തുടരുകയാണെങ്കില്‍ ലോകകപ്പ് അടക്കമുള്ള മത്സരങ്ങളെ ഇത് ബാധിക്കുമെന്നാണ് കരുതപ്പെടുന്നത്. നേരത്തെ ഇന്ത്യയില്‍ കൊറോണ വൈറസ് പടര്‍ന്നതിനെ തുടര്‍ന്ന് ഇന്ത്യന്‍ പ്രീമിയര്‍ ലീഗ് അടുത്ത ഏപ്രില്‍ 15നേക്ക് നീട്ടിവെച്ചിരുന്നു. കൂടാതെ കേന്ദ്ര സര്‍ക്കാര്‍ ഇന്ത്യയില്‍ 21 ദിവസത്തേക്ക് ലോക്ക് ഡൗണ്‍ ഏര്‍പ്പെടുത്തുകയും ചെയ്തിരുന്നു. നിലവിലെ സാഹചര്യത്തില്‍ ഇന്ത്യയില്‍ ഏപ്രില്‍ 15ന് ഐ.പി.എല്‍ നടക്കാനുള്ള സാധ്യത വളരെ കുറവാണ്.
