യുഎഇയില്‍ 15 പേര്‍ക്ക് കൂടി കോവിഡ് 19 സ്ഥിരീകരിച്ചതായി ആരോഗ്യ-രോഗപ്രതിരോധ മന്ത്രാലയം അറിയിച്ചു. ഇതോടെ രാജ്യത്തെ ആകെ കോവിഡ് 19 ബാധിതരുടെ എണ്ണം 113 ആയി.
ബ്രിട്ടന്‍, സ്പെയിന്‍ എന്നിവിടങ്ങളില്‍ നിന്നുള്ള ഈരണ്ടുപേര്‍ക്കും കിര്‍ഗിസ്താന്‍, സെര്‍ബിയ, ഉക്രെയിന്‍, ഗ്രീസ്, നെതര്‍ലന്‍റ്, അമേരിക്ക, ഇറ്റലി, ബംഗ്ലാദേശ്, ആസ്ട്രേലിയ, ജര്‍മനി, റഷ്യ രാജ്യങ്ങളില്‍ നിന്നുള്ള ഓരോരുത്തര്‍ക്കുമാണ് പുതുതായി രോഗം സ്ഥിരീകരിച്ചത്. കോവിഡ് 19 റിപ്പോര്‍ട്ട് ചെയ്ത രാജ്യങ്ങളില്‍ നിന്നെത്തിയവരാണ് ഇവരെല്ലാമെന്നും എല്ലാവരെയും ക്വാറന്റീന്‍ ചെയ്തിരിക്കുകയാണെന്നും അധികൃതര്‍ അറിയിച്ചു.
