ദുബൈ: ലോകത്തെ ആശങ്കയുടെ മുള്മുനയില് നിര്ത്തുന്ന കൊറോണ വൈറസ് ബാധ യു.എ.ഇയിലും സ്ഥിരീകരിച്ചു. ചൈനയില്നിന്നെത്തിയ ഒരു കുടുംബത്തിലെ നാലുപേര്ക്കാണ് വൈറസ് ബാധ കണ്ടെത്തിയത്. ഇവര് കര്ശന ൈവദ്യനിരീക്ഷണത്തിലാണ്. ആരോഗ്യനില തൃപ്തികരമാണെന്നും അവസ്ഥ ആശങ്കജനകമല്ലെന്നും യു.എ.ഇ ആരോഗ്യ മന്ത്രാലയത്തെ ഉദ്ധരിച്ച് ഒൗദ്യോഗിക വാര്ത്താ ഏജന്സി ‘വാം’ വ്യക്തമാക്കി.
വൈറസ്ബാധയേറ്റ കുടുംബം ജനുവരി 16ന് ചൈനയിലെ വുഹാന് പ്രവിശ്യയില്നിന്നാണ് യു.എ.ഇയില് എത്തിയത്. ജനുവരി 23നാണ് രോഗലക്ഷണങ്ങള് ശ്രദ്ധയില്പ്പെട്ടതെന്ന് ആരോഗ്യ^രോഗപ്രതിരോധ മന്ത്രാലയം അസി. അണ്ടര് സെക്രട്ടറി ഡോ. ഹുസൈന് അല് റന്ത് പറഞ്ഞു. ഉടനടി ഇവരെ മാറ്റിപ്പാര്പ്പിക്കുകയും അടിയന്തര ചികിത്സാ സൗകര്യങ്ങളെല്ലാം ഏര്പ്പെടുത്തുകയും ചെയ്തു.
വിദഗ്ധ ഡോക്ടര്മാരും പാരാമെഡിക്കുകളും അടങ്ങുന്ന പ്രത്യേക സംഘമാണ് പരിചരണങ്ങള്ക്ക് നേതൃത്വം നല്കിയത്. ഇപ്പോള് നാലുപേരുടെയും ആരോഗ്യനില തൃപ്തികരമാണ്. എല്ലാവിധ മുന്കരുതലുകളും രാജ്യത്ത് സ്വീകരിച്ചിട്ടുണ്ടെന്നും അനാവശ്യ ഭീതി ആവശ്യമില്ലെന്നും ആരോഗ്യമന്ത്രാലയം അധികൃതര് വ്യക്തമാക്കുന്നു.