കാബൂള്: അഫ്ഗാനിസ്ഥാനില് തകര്ന്നുവീണത് അമേരിക്കയുടെ സൈനിക വിമാനം. താലിബാന്റെ ശക്തികേന്ദ്രമായ ഖാസ്നി പ്രവിശ്യയിലെ ഡെഹ് യാക് ജില്ലയിലാണ് വിമാനം തകര്ന്നു വീണത്. അപകടത്തിന്റെ കാരണം അറിവായിട്ടില്ല. വിമാനത്തില് എത്രപേരുണ്ടായിരുന്ന എന്നതു സംബന്ധിച്ചും വിവരങ്ങള് പുറത്തുവിട്ടിട്ടില്ല.
അപകടത്തിന്റെ കാരണം സംബന്ധിച്ച് അന്വേഷണം ആരംഭിച്ചെന്നും ശത്രുക്കളുടെ ആക്രമണത്തില് വിമാനം തകര്ന്നതാണെന്ന് കരുതാന് സൂചനകളൊന്നും ലഭിച്ചിട്ടില്ലെന്നും അമേരിക്കന് സൈനിക വൃത്തങ്ങള് പറഞ്ഞു. യാത്രാവിമാനമാണ് തകര്ന്നതെന്ന് അഫ്ഗാന് സര്ക്കാര് ആദ്യം അറിയിച്ചെങ്കിലും തങ്ങളുടെ വിമാനങ്ങള് ഒന്നുപോലും അപകടത്തില്പെട്ടിട്ടില്ലെന്ന് വിമാനകമ്ബനി പിന്നീട് തിരുത്തി.