തിരുവനന്തപുരം: പാര്ട്ടി വിട്ട മുന് എം.എല്.എ എ.വി. താമരാക്ഷനെ തിരിെച്ചടുക്കാന് ആര്.എസ്.പി സംസ്ഥാന നേതൃത്വത്തില് തത്ത്വത്തില് ധാരണ. കഴിഞ്ഞദിവസത്തെ സംസ്ഥാന നിര്വാഹകസമിതിയിലുണ്ടായ ധാരണ ചൊവ്വാഴ്ച ചേര്ന്ന സംസ്ഥാനസമിതിയില് റിപ്പോര്ട്ട് ചെയ്തു.
താമരാക്ഷന് മാതൃസംഘടനയിലേക്ക് തിരിച്ചുവരാന് താല്പര്യം പ്രകടിപ്പിച്ചതിനെതുടര്ന്ന് ഇക്കാര്യത്തില് ചര്ച്ച നടക്കുകയാണെന്ന് സംസ്ഥാന സെക്രട്ടറി എ.എ. അസീസ് യോഗത്തില് റിപ്പോര്ട്ട് ചെയ്തു.
സംസ്ഥാനസമിതിയില് ആരും ഇതില് എതിര്പ്പ് പ്രകടിപ്പിച്ചില്ല. ലയനസമ്മേളനം സംബന്ധിച്ച കാര്യങ്ങള് ആലോചിച്ച് പറയാമെന്ന് താമരാക്ഷന് അറിയിച്ചതായും സംസ്ഥാന സെക്രട്ടറി യോഗത്തില് പറഞ്ഞു.