കോട്ടക്കൽ: പ്രശസ്ത കാരിക്കേച്ചറിസ്റ്റും കേരള കാർട്ടൂൺ അക്കാഡമി സെക്രട്ടറിയുമായ തോമസ് ആന്റണി അന്തരിച്ചു. ഹൃദയാഘാതത്തെ തുടർന്ന് ഞായറാഴ്ച പുലർച്ചെ കോട്ടക്കൽ വെച്ചായിരുന്നു അന്ത്യം.
ചിത്രകലാ പരിഷത്ത് കോട്ടക്കൽ നടത്തുന്ന ചിത്രകലാ ക്യാന്പിൽ പങ്കെടുക്കാൻ സ്വദേശമായി കോട്ടയത്തുനിന്ന് എത്തിയ അദ്ദേഹത്തിന് ദേഹാസ്വാസ്ഥ്യം അനുഭവപ്പെടുകയായിരുന്നു. ഉടൻതന്നെ അടുത്തുള്ള ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
മെട്രോ വാർത്ത എക്സിക്യൂട്ടീവ് ആർട്ടിസ്റ്റാണ്. ദീർഘകാലം ദീപിക ദിനപ്പത്രത്തിൽ സേവനമനുഷ്ഠിച്ച തോമസ് ആന്റണി ഏറെക്കാലം കോട്ടയം പ്രസ്ക്ലബ് സെക്രട്ടറിയുമായിരുന്നു.