കുറച്ച് കാലമായി ക്രൂഡ് ഓയിൽ വില ലോകത്തെയാകെ ഭീതിയിലാഴ്ത്തിയിരിക്കുകയാണ്. വരും ദിവസങ്ങളിൽ അതിന്റെ വിലയിൽ കുത്തനെയുള്ള വർദ്ധനവ് ഉണ്ടാകുമെന്നും ഇത് ആഗോള പണപ്പെരുപ്പ തരംഗത്തിന് പോലും കാരണയോക്കുമെന്നും പല വിദഗ്ധരും പ്രവചിച്ചിരുന്നു. എന്നാൽ, കഴിഞ്ഞ ആഴ്ച എണ്ണവില വൈകാതെ തന്നെ കുത്തനെ ഇടിയുമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് പ്രവചിച്ചിരുന്നു.
ഇപ്പോൾ ട്രംപ് നടത്തിയ പുതിയ പ്രസ്താവന അദ്ദേഹത്തിന്റെ പ്രവചനങ്ങൾ സത്യമാകാൻ പോകുന്നു എന്ന സൂചനയാണ് നൽകുന്നത്. ഇത് എണ്ണവിലയിൽ വലിയ ആശ്വാസം സൃഷ്ടിക്കുമെന്നാണ് പ്രതീക്ഷിക്കുന്നത്. അമേരിക്കയും ഇറാനും തമ്മിൽ ഒരു സമാധാന കരാറിന് വളരെ അടുത്തെത്തിയിരിക്കുകയാണെന്ന് പ്രസിഡന്റ് ട്രംപ് പ്രസ്താവിച്ചു. ഞായറാഴ്ചയോടെ ഇതിൽ വലിയൊരു തീരുമാനം ഉണ്ടായേക്കുമെന്നും ട്രംപ് സൂചന നൽകി. നിലവിൽ അന്താരാഷ്ട്ര വിപണിയിൽ ക്രൂഡ് ഓയിൽ വില ബാരലിന് 100 ഡോളറിന് മുകളിലായി തന്നെ തുടരുകയാണ്.
