വാരാന്ത്യ ലോക്ഡൗണിന് ശേഷം സംസ്ഥാനത്ത് കൂടുതല് ഇളവുകള് ഇന്ന് മുതല് പ്രാബല്യത്തില് വരും. ബാങ്കുകള്ക്ക് എല്ലാ ദിവസവും പ്രവര്ത്തിക്കാമെങ്കിലും ചൊവ്വ,വ്യാഴം ദിവസങ്ങളില് പൊതു ജനത്തിന് പ്രവേശനമുണ്ടാകില്ല. കൂടുതല് ഇളവുകള് നല്കുന്ന കാര്യം ചര്ച്ച ചെയ്യാന് നാളെ മുഖ്യമന്ത്രിയുടെ അധ്യക്ഷതയില് അവലോകന യോഗം ചേരും.
അതേസമയം ഇന്നലെ 10,905 പേര്ക്കാണ് കോവിഡ് സ്ഥിരീകരിച്ചത്. തിരുവനന്തപുരം 1401, കൊല്ലം 1115, എറണാകുളം 1103, മലപ്പുറം 1103, കോഴിക്കോട്- 1046, പാലക്കാട് 1010, തൃശൂര് 941, കാസര്ഗോഡ്- 675, ആലപ്പുഴ -657, കണ്ണൂര് -562, കോട്ടയം- 428, പത്തനംതിട്ട- 343, ഇടുക്കി 275, വയനാട് 246 എന്നിങ്ങനെയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 1,03,996 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 10.49 ആണ്. റുട്ടീന് സാമ്പിള്, സെന്റിനല് സാമ്പിള്, സിബി നാറ്റ്, ട്രൂനാറ്റ്, പി.ഒ.സി.ടി. പി.സി.ആര്., ആര്.ടി. എല്.എ.എം.പി., ആന്റിജന് പരിശോധന എന്നിവ ഉള്പ്പെടെ ഇതുവരെ 2,27,24,272 ആകെ സാമ്ബിളുകളാണ് പരിശോധിച്ചത്
