ടൂറിന്: സൂപ്പര് താരം ക്രിസ്റ്റ്യാനോ റൊണാള്ഡോ ഇല്ലാതെ ഇറങ്ങിയ യുവന്റസിന് ഇറ്റാലിയന് ലീഗില് സമനില. യുവന്റസിനെ 1-1ന് വെറോണ സമനിലയില് കുരുക്കുകയായിരുന്നു. ലീഗില് യുവന്റസിന്റെ തുടര്ച്ചയായ രണ്ടാം സമനിലയാണിത്.
ആന്ദ്രേ ഫവില്ലി(60-ാം മിനിറ്റ്) ആണ് വെറോണയ്ക്ക് വേണ്ടി ഗോള് നേടിയത്. പകരക്കാരനായെത്തിയ കുലുസവേസ്കി 77-ാം മിനിറ്റില് യുവന്റസിന്റെ സമനില ഗോള് നേടി. വലതുവിംഗിലൂടെ കുതിച്ച കുലുസവ്സ്കി ഇടംകാലന് സ്ട്രൈക്കിലൂടെ വലകുലുക്കുകയായിരുന്നു.
ലീഗില് അഞ്ചു മത്സരങ്ങള് കഴിഞ്ഞപ്പോള് ഒമ്ബത് പോയിന്റുമായി അഞ്ചാം സ്ഥാനത്താണ് യുവന്റസ്. അതേസമയം, വെറോണ എട്ടു പോയിന്റുമായി എട്ടാം സ്ഥാനത്തുണ്ട്.
