മനുഷ്യരാശിക്ക് ഗുരുതര ഭീഷണി ഉയര്ത്തി കാലാവസ്ഥയില് വന് വ്യതിയാനം സംഭവിക്കുന്നതായി ഐക്യരാഷ്ട്ര സഭയുടെ റിപ്പോര്ട്ട്.വരുന്ന 20 വര്ഷംകൊണ്ട് ആഗോളതാപനിലയിലെ ശരാശരി വര്ധന ഒന്നര ഡിഗ്രി സെല്ഷ്യസ് കടക്കുമെന്ന മുന്നറിയിപ്പുമുണ്ട്. കാലാവസ്ഥാവ്യതിയാനത്തിന്റെ ശാസ്ത്രീയവശങ്ങള് വിലയിരുത്താന് ഐക്യരാഷ്ട്രസഭ 1988-ല് സ്ഥാപിച്ച ഇന്റര്ഗവണ്മെന്റല് പാനല് ഓണ് ക്ലൈമറ്റ് ചേഞ്ചിന്റെ (ഐ.പി.സി.സി.) ആറാം റിപ്പോര്ട്ടിലാണ് ഭൂമി അഭിമുഖീകരിക്കുന്ന വലിയ പ്രതിസന്ധിയെക്കുറിച്ച് വിവരിക്കുന്നത്.
ഹരിതഗൃഹ വാതകങ്ങള് പുറന്തള്ളുന്നതില് കടുത്ത നിയന്ത്രണം ഏര്പ്പെടുത്തുന്നതടക്കമുള്ള നടപടികളിലൂടെ അന്തരീക്ഷ ഊഷ്മാവ് ഉയരുന്നത് നിയന്ത്രിക്കാന് കഴിഞ്ഞാല് വരാനിരിക്കുന്ന വിപത്തിനെ തടയാനാവുമെന്ന് റിപ്പോര്ട്ട് തയാറാക്കിയ ശാസ്ത്രജ്ഞര് പറഞ്ഞു. മാനവരാശിക്കുള്ള അപായ മുന്നറിയിപ്പാണ് റിപ്പോര്ട്ടെന്ന് യു.എന് സെക്രട്ടറി ജനറല് അേന്റാണിയോ ഗുട്ടെറസ് പറഞ്ഞു. തീരുമാനമെടുക്കുന്നതില് ഇനിയും വൈകിക്കാനാവില്ലെന്നാണ് റിപ്പോര്ട്ട് വ്യക്തമാക്കുന്നത്.
