കേരള സംഗീത നാടക അക്കാദമിയില് മോഹിനിയാട്ടം അവതരിപ്പിക്കാന് അവസരം ലഭിക്കാത്തതില് പ്രതിഷേധിച്ച് കലാഭവന് മണിയുടെ സഹോദരനും നര്ത്തകനുമായ ആര്എല്വി രാമകൃഷ്ണന്റെ കുത്തിയിരിപ്പ് സമരം. അക്കാദമിക്ക് മുന്നിലുള്ള സമരത്തിന് പിന്തുണയുമായി വിവിധ സംഘടനകളും രംഗത്തെത്തി.
സ്ത്രീ അല്ലെന്ന കാരണത്താല് സംഗീത നാടക അക്കാദമി ഓണ്ലൈന് നൃത്ത പരിപാടിയില് തനിക്ക് വേദി നിഷേധിച്ചു എന്നായിരുന്നു ആര്എല്വി രാമകൃഷ്ണന്റെ ആരോപണം. മോഹിനിയാട്ടം സാധാരണ സ്ത്രീകളാണ് അവതരിപ്പിക്കാറെന്ന വിചിത്ര വാദമാണ് കേള്ക്കേണ്ടി വന്നതെന്നും രാമകൃഷ്ണന് പറഞ്ഞു. അക്കാദമിയുടെ വിവേചനപരമായ സമീപനത്തിനെതിരെ നിയമ നടപടിയുമായി മുന്നോട്ട് പോകാനാണ് രാമകൃഷ്ണന്റെ തീരുമാനം.
