ന്യൂഡല്ഹി: ഡോക്ടര്മാര്ക്കെതിരായ ആക്രമണം തടയാന് പ്രധാനമന്ത്രി നരേന്ദ്ര മോദി ഇടപെടണമെന്ന് ഐ.എം.എ. കോവിഡിനെ കുറിച്ച് വ്യാപകമായി വ്യാജവാര്ത്തകള് പ്രചരിക്കുകയാണെന്നും ഐളഎം.എ വ്യക്തമാക്കി. കോവിഡിനെതിരായ പോരാട്ടത്തില് മുന്നിര പ്രവര്ത്തകരായ ഡോക്ടര്മാര് വ്യാപകമായി ആക്രമിക്കപ്പെടുകയാണെന്നും ഐ.എം.എ വ്യക്തമാക്കി.
കോവിഡ് ബാധിച്ച് ഏകദേശം 1400ഓളം ഡോക്ടര്മാര് മരിച്ചുവെന്ന ഐ.എം.എ പറഞ്ഞു. അതേസമയം, വ്യാജ വാര്ത്തകള്ക്കെതിരെയും പ്രധാനമന്ത്രിയുടെ ഇടപെടലുണ്ടാവണമെന്ന് ഏജന്സി ആവശ്യപ്പെട്ടു. ചില ആളുകള് വാക്സിെന്റ വിശ്വാസ്യതയെ സംബന്ധിച്ച് വ്യാജ വാര്ത്തകള് പ്രചരിപ്പിക്കുകയാണെന്ന് ഐ.എം.എ ആരോപിച്ചു.
അസമില് ഡോക്ടര് ആക്രമിക്കപ്പെട്ട സംഭവം കഴിഞ്ഞ ദിവസമാണ് റിപ്പോര്ട്ട് ചെയ്തത്. ഇതിന് പിന്നാലെയാണ് ഡോക്ടര്മാര്ക്കെതിരായ അതിക്രമങ്ങളില് മോദിയുടെ ഇടപെടല് ആവശ്യപ്പെട്ട് ഐ.എം.എ രംഗത്തെത്തിയത്.
