ടൊറൊന്‍റോ: പൂവും പൂക്കളവും പൂവിളിയുമായി ടൊറോന്‍റോ സോഷ്യല്‍ ക്ലബിന്‍റെ ആഭിമുഖിയത്തില്‍ ഓണം ആഘോഷിച്ചു. മിസിസാഗയിലുള്ള മെഡോവെയില്‍ പാര്‍ക്കില്‍ വച്ചു ഓഗസ്റ്റ് 29 ഉത്രാടം നാളില്‍ നടത്തിയ ആഘോഷ പരിപാടികളില്‍ ക്ലബ് അംഗങ്ങളും കുടുംബാംഗങ്ങളും ഓണക്കോടികള്‍ ഉടുത്തു കോവിഡ് നിയന്ത്രണങ്ങള്‍ പൂര്‍ണമായും പാലിച്ചു ആഘോഷങ്ങളില്‍ സന്തോഷപൂര്‍വം പങ്കുചേര്‍ന്നു.
ഓണ പൂക്കളവും ഓണ സദ്യയും തുടര്‍ന്ന് കുട്ടികള്‍ക്കും മുതിര്‍ന്നവര്‍ക്കുമായി നടത്തിയ വ്യത്യസ്തങ്ങളായ ഓണക്കളികളും പരിപാടികള്‍ ആനന്ദപ്രദമാക്കി. ആഘോഷങ്ങള്‍ക്ക് ക്ലബ് പ്രസിഡന്‍റ് സിനു മുളയാനിക്കല്‍ , സെക്രട്ടറി മോന്‍സി തോമസ് , വൈസ് പ്രസിഡന്‍റ് റിജോ മങ്ങാട്ട്, ജോയിന്‍റ് സെക്രട്ടറി സിബിള്‍ നീരാട്ടുപാറ ,ട്രെഷറെര്‍ ഷിബു എബ്രഹാം, പ്രോഗ്രാം കോ ഓര്‍ഡിനേറ്റേഴ്സായ ഷെല്ലി ജോയ്, വരുണ്‍ രാജന്‍ തുടങ്ങിയവര്‍ നേതൃത്വം നല്‍കി.
