ഖത്തറില് കഴിഞ്ഞ 24 മണിക്കൂറിനിടെ 107 പേര്ക്ക് കൊവിഡ് സ്ഥിരീകരിച്ചതായി പൊതുജനാരോഗ്യ മന്ത്രാലയം അറിയിച്ചു. ഇന്ന് രോഗം സ്ഥിരീകരിച്ചവരില് 41 പേര് വിദേശത്ത് നിന്നും എത്തിയവരാണ്. 66 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്.
കഴിഞ്ഞ 24 മണിക്കൂറിനിടെ 146 പേര് കൊവിഡില് നിന്നും രോഗമുക്തി നേടുകയും ചെയ്തു. ഇതോടെ ആകെ രോഗമുക്തരുടെ എണ്ണം 218,244 ആയി. രാജ്യത്ത് ഇന്ന് ഒരാള് കൂടി കൊവിഡ് ബാധിച്ച് മരിച്ചു. ഇതോടെ രാജ്യത്തെ കൊവിഡ് മരണനിരക്ക് 583 ആയി. രാജ്യത്ത് നിലവില് 1973 പേരാണ് ഇനി ചികിത്സയിലുള്ളത്.
