കണ്ണൂര്‍: കണ്ണൂര്‍ റെയില്‍വേ സ്റ്റേഷനില്‍ എംഡിഎംഎയുമായി യുവാവ് പിടിയിൽ. കാസർഗോഡ് ബദിയടുക്ക സ്വദേശി മുഹമ്മദ് ഹാരീസാണ് പിടിയിലായത്. ഇയാളിൽനിന്ന് 204 ഗ്രാം എംഡിഎംഎ പിടികൂടി.
കോയമ്പത്തൂരില്‍ നിന്നാണ് ഇയാള്‍ കണ്ണൂരിലേക്ക് ട്രെയിന്‍ കയറിയത്. ഇയാളില്‍ നിന്ന് പിടികൂടിയ ലഹരിമരുന്നിന് 40 ലക്ഷം രൂപ വിലവരുമെന്നും ഉദ്യോഗസ്ഥര്‍ പറഞ്ഞു.
ബംഗളൂരുവില്‍ നിന്ന് എംഡിഎംഎ വാങ്ങിയ ശേഷം കണ്ണൂര്‍, കാസർഗോഡ് ജില്ലയില്‍ വില്‍പ്പന നടത്താനായിരുന്നു പദ്ധതി. ഇതിന് മുന്‍പും ഇയാള്‍ ലഹരിമരുന്ന് കടത്തിയിരുന്നതായി പോലീസ് പറയുന്നു.
