ന്യൂഡല്‍ഹി: കോവിഡ് രോഗവ്യാപനത്തില്‍ ആഗോളതലത്തില്‍ എട്ടാം സ്ഥാനത്തേക്ക് കയറി ഇന്ത്യ. ജര്‍മനിയെ പിന്നിലാക്കിലാണ് ഇന്ത്യയുടെ കുതിപ്പ്.
ശനിയാഴ്ചത്തെ കണക്ക് പ്രകാരം ഇന്ത്യയില്‍ 1.85 ലക്ഷം രോഗികളാണുള്ളത്. 5,266 ആളുകള്‍ രോഗംബാധിച്ച്‌ മരിച്ചുകഴിഞ്ഞു. ജര്‍മനിയില്‍ 1.83 ലക്ഷം രോഗികളാണുള്ളത്. 8602 പേര്‍ ഇവിടെ മരിച്ചു.
അമേരിക്ക (18 ലക്ഷം), ബ്രസീല്‍ (5.01 ലക്ഷം), റഷ്യ (4.05 ലക്ഷം), സ്പെയിന്‍ (2.86 ലക്ഷം), ബ്രിട്ടന്‍ (2.72 ലക്ഷം), ഇറ്റലി (2.32 ലക്ഷം), ഫ്രാന്‍സ് (1.88 ലക്ഷം) എന്നിവയാണ് കോവിഡ് രോഗവ്യാപനത്തില്‍ ഇന്ത്യയ്ക്കു മുന്നിലുള്ള രാജ്യങ്ങള്‍.
നിലവിലെ രോഗവ്യാപനം തുടര്‍ന്നാണ് ഒന്നോ രണ്ടോ ദിവസങ്ങള്‍ക്കുള്ളില്‍ ഇന്ത്യ ഫ്രാന്‍സിനെ പിന്നിലാക്കി ഏഴാം സ്ഥാനത്തേക്കു കയറുമെന്നും വേള്‍ഡോമീറ്റര്‍ കണക്കുകള്‍ പറയുന്നു
