കല്പറ്റ: കോടതിയിലുള്ള കേസിെന്റ നടപടികള് പൂര്ത്തിയാകുന്നതുവരെ കുടിശ്ശികയുള്ളയാളുടെ വീട്ടിലെത്തി തുക അടക്കണമെന്ന് ഭീഷണിപ്പെടുത്താനുള്ള അധികാരം ബാങ്കുദ്യോഗസ്ഥര്ക്ക് ഇല്ലെന്ന് സംസ്ഥാന മനുഷ്യാവകാശ കമീഷന്.
കോടതി ഉത്തരവിനനുസൃതമായി വായ്പ റിക്കവറി നടപടികള് സ്വീകരിക്കണമെന്നും കമീഷന് ജുഡീഷ്യല് അംഗം കെ. ബൈജുനാഥ് മീനങ്ങാടി കനറാ ബാങ്ക് ശാഖ മാനേജര്ക്ക് ഉത്തരവ് നല്കി. മീനങ്ങാടി 54ാം മൈല് സ്വദേശി കെ.വി. ജോയി സമര്പ്പിച്ച പരാതിയിലാണ് ഉത്തരവ്.
2018 ഒക്ടോബര് 31ന് കനറാ ബാങ്ക് മീനങ്ങാടി ശാഖ മാനേജറും രണ്ട് ഉദ്യോഗസ്ഥരും വീട്ടിലെത്തി ബാങ്കില് പണമടക്കണമെന്ന് പറഞ്ഞ് ഭാര്യയെയും മക്കളെയും ഭീഷണിപ്പെടുത്തിയെന്നാണ് പരാതി. ഭാര്യയുടെ അനുവാദമില്ലാതെ അവരുടെ ചിത്രം ഉദ്യോഗസ്ഥര് മൊബൈലില് പകര്ത്തിയതായും പരാതിയില് പറയുന്നു.
തനിക്ക് കനറാ ബാങ്കില് ഉണ്ടായിരുന്ന വായ്പ 2006ല് കേന്ദ്ര കടാശ്വാസ നിയമപ്രകാരം എഴുതിത്തള്ളിയതാണെന്നും പരാതിക്കാരന് അറിയിച്ചു.
പരാതിക്കാരെന്റ ലോണ് ഭാഗികമായി മാത്രമാണ് എഴുതിത്തള്ളിയതെന്നും ബാക്കി തുക ബാധ്യതയായുണ്ടെന്നും ബാങ്ക് മാനേജര് കമീഷനെ അറിയിച്ചു. ബാങ്കിെന്റ അദാലത്തില് പങ്കെടുപ്പിക്കുന്നതിന് വേണ്ടിയാണ് പരാതിക്കാരെന്റ വീട്ടിലെത്തിയതെന്നും റിപ്പോര്ട്ടില് പറയുന്നു. എന്നാല്, ഇതുസംബന്ധിച്ച് കോടതിയില് കേസുണ്ടെന്ന് പരാതിക്കാരന് അറിയിക്കുകയായിരുന്നു. തനിക്ക് നോട്ടീസ് നല്കാതെ വീട്ടില് അതിക്രമിച്ചുകയറിയത് ശരിയല്ലെന്നും പരാതിക്കാരന് കമീഷനെ അറിയിച്ചിരുന്നു.
