കേരളത്തില് കൊവിഡ് രണ്ടാം തരംഗത്തെ തുടര്ന്ന് അടച്ചിട്ട തിയറ്ററുകളും നിര്ത്തിവെച്ച ഷൂട്ടിംഗുകളും വീണ്ടും തുടങ്ങാന് അനുമതി നല്കാത്തതിനെ തുടര്ന്ന് മലയാള സിനിമകളുടെ ഷൂട്ടിങ് മറ്റ് സംസ്ഥാനങ്ങളിലേക്ക്. കേരളം ലൊക്കേഷനായി തീരുമാനിച്ച മോഹന്ലാല്, ജിത്തു ജോസഫ് ചിത്രങ്ങളാണ് തമിഴ്നാട്, കര്ണാടക, തെലങ്കാന എന്നിവിടങ്ങളിലേക്ക് മാറ്റുന്നത്. ഈ ചിത്രങ്ങള് അടക്കം ഏഴോളം സിനിമകള് കേരളത്തിന് വെളിയില് ഷൂട്ടിംഗ് പൂര്ത്തിയാക്കാനാണ് നീക്കം. മോഹന്ലാലിനെ നായകനാക്കി നടന് പൃഥ്വിരാജ് സംവിധാനം ചെയ്യുന്ന ബ്രോ ഡാഡിയാണ് ഇതില് പ്രധാനം. ആശിര്വാദ് സിനിമാസിന്റെ ബാനറിലാണ് പൃഥ്വിരാജ്, ജിത്തു ജോസഫ് എന്നിവര് സംവിധാനം ചെയ്യുന്ന ചിത്രം ഒരുങ്ങുന്നത്. നാളെ ഹൈദരാബാദില് ചിത്രത്തിന്റെ ഷൂട്ടിംഗ് തുടങ്ങുമെന്നാണ് നിര്മ്മാതാവ് ആന്റണി പെരുമ്ബാവൂര് മാധ്യമങ്ങളോട് അറിയിച്ചത്.
കേരളത്തില് തന്നെ ഷൂട്ടിംഗ് നടത്താന് പരമാവധി ശ്രമിച്ചു. എന്നാല് ഒരു വഴിയുമില്ലാതെയാണ് അവസാനം ഹൈദരാബാദിലേക്ക് ഷൂട്ടിംഗ് മാറ്റേണ്ടി വന്നത്. ബ്രോ ഡാഡി കൂടാതെ ജിത്തു ജോസഫ് സംവിധാനം ചെയ്യുന്ന മോഹന്ലാല് ചിത്രത്തിന്്റെ ഷൂട്ടിംഗും കേരളത്തില് പ്ലാന് ചെയ്തിരുന്നു. ഇതിനായി ഇടുക്കിയില് വലിയൊരു സെറ്റും ഇട്ടു. നിലവിലെ സാഹചര്യത്തില് ഈ സിനിമയുടെ ഷൂട്ടിംഗും കേരളത്തിന് പുറത്തേക്ക് മാറ്റേണ്ട അവസ്ഥയാണ്.
18 മാസം മുന്പ് സെന്സര് പൂര്ത്തിയായ ചിത്രമാണ് മരക്കാര് അറബിക്കടലിന്്റെ സിംഹം. ഈ സിനിമ എന്ന് തീയേറ്ററിലെത്തിക്കാനാവും എന്നറിയില്ല. പുതിയ സിനിമകളുടെ ഷൂട്ടിംഗ് തുടങ്ങാന് അനുമതി കാത്ത് ഒരുപാട് കാത്തിരുന്നു. മുഖ്യമന്ത്രിയേയും ആരോഗ്യമന്ത്രിയേയും സിനിമ മന്ത്രി സജി ചെറിയാനേയും എല്ലാം ഇക്കാര്യത്തില് നിരന്തരം ബന്ധപ്പെട്ടു. ചിത്രം ഇന്ഡോറായി ഷൂട്ട് ചെയ്യാന് സാധിക്കുമെന്നും അന്പത് പേരെ വച്ചെങ്കിലും ഷൂട്ട് തുടങ്ങാന് അനുവദിക്കണമെന്ന് അഭ്യര്ത്ഥിക്കുകയും ചെയ്തു. എന്നിട്ടും ഒരു തീരുമാനം വരാത്ത സാഹചര്യത്തില് വലിയ വേദനയോടെയാണ് ഷൂട്ടിംഗ് കേരളത്തിന് പുറത്തേക്ക് മാറ്റുന്നത്.
ഇതോടെ ചിത്രത്തിന്റെ ബജറ്റും കൂടും. സാഹചര്യം ഇത്രയും മോശമായ സ്ഥിതിക്ക് ഇനി വേറെ വഴിയില്ല. ഇക്കാര്യത്തില് ആരേയും കുറ്റപ്പെടുത്താനില്ല. എങ്കിലും ഇന്ഡോര് ഷൂട്ടിംഗിനുള്ള അനുമതി കേരളത്തില് കൊടുക്കാമായിരുന്നു എന്ന അഭിപ്രായം തനിക്കുണ്ടെന്നുമാണ് ആന്റണി പെരുമ്ബാവൂര് ഇതിനെക്കുറിച്ച് വ്യക്തമാക്കിയത്. ടെലിവിഷന് പരിപാടികള്ക്ക് കൊവിഡ് പ്രോട്ടോക്കോള് പാലിച്ച് ഷൂട്ടിംഗ് നടത്താന് സംസ്ഥാന സര്ക്കാര് അനുമതി നല്കിയിരുന്നു. ഈ മാതൃകയില് സിനിമ ഷൂട്ടിംഗിനുളള അനുമതി നല്കണമെന്നാണ് സിനിമാ സംഘടനകളുടെ ആവശ്യം.
